اینگیلتره‌نین ایشچی پارتیسی‌نین لیدئری آونگ سان سو چی‌یه سسلندی
جرمی جوربین پارتیسی‌نین بریگهتون شهرینده کئچیریلن کنگره سینده چیخیشی زامانی میانمار خاریجی ایشلر ناظیری و دؤولت موشاویری آونگ سان سو چی‌یه سسلندی.
بیرلشمیش کراللیغین ایشچی پارتیسی‌نین لیدئری جرمی جوربین پارتیسی‌نین بریگهتون شهرینده کئچیریلن کنگره سینده چیخیشی زامانی میانمار خاریجی ایشلر ناظیری و دؤولت موشاویری آونگ سان سو چی‌یه سسلندی.
آونگ سان سو چی‌یه مراجعت ائده‌رک:"آراکان مسلمان‌لاری چوخ عذاب چکدی‌لر. دئموکراسی و اینسان حاق‌لاری اوغروندا موباریزه آپاران سوو چی‌یه سس‌لنیرم. میانماردا آراکان مسلمان‌لارینا قارشی زوراکیلیغا سون قوی. بیرلشمیش میللتلر تشکیلاتی‌نین، دیگر اولوسلار آراسی یاردیم تشکیلات‌لاری‌نین آراکانا گیرمه‌سینه ایجازه وئر"دئدی.
ایشچی پارتیسی‌نین لیدئری چیخیشیندا اؤلکه‌سی‌نین خاریجی سیاستینی ده تنقید ائتدی، دئموکراسی و اینسان حاق‌لاری‌نین آیری-سئچکی‌لیک ائتمه‌دن تطبیق اولونماسی‌نین واجیب‌لیگینه دقت چکدی.
جوربین بیرلشمیش کراللیغین سعودی عربیستانینا سیلاح ساتدیغی حالدا، یمن‌دکی ساواشا لاقئید قالدیغینی بیلدیردی و چیخیشینا بو سؤزلرله داوام ائتدی:" میصرده، بحرین-ده دئموکراسی نین آیاق‌لار آلتیندا ازیلمه‌سینه، کنگودا مئدیانین عکس ائتدیرمدیگی تراژیک اؤلوم‌لره سس‌سیز قالا بیلمریک"
