" بوتون طرف‌لری گرگینلیگی دوشورمه‌یه چاغیریریق"

بیرلشمیش میلت‌لر گوونلیک شوراسی، اینگیلتره‌نین طلبی اوزرینه قاپا‌لی اوتورومدا آراکاندا یاشانان گلیشمه‌‌لری مذاکره ائتدی.

دانیشیقلارین آردین‌دان ژورنالیست‌لره آچیقلاما وئرن اینگیلتره‌نین بیرلشمیش میلت‌لر دایمی نماینده‌سی متیو ریکروفت، میانمار مسئله‌سینده فایدا‌لی بیر گؤروشمه گرچکلشدیردیک‌لارینی سؤیله‌دی.

شدت حادثه‌لری سببیله راحاتسیز اولدوق‌لارینی قید ائدن ریکروفت، "میانما‌رداکی وضعیت سببیله راحاتسیزیق. بوتون شدت حادثه‌لرینی پیسله‌ییریک. بوتون طرف‌لری گرگینلیگی دوشورمه‌یه چاغیریریق" دئدی.

بوتون عضو‌لرین آراکان اوچون عنان راپوروندا یئر آلان توصیه‌لری دستکلدیگینی وورغولایان ریکروفت، امنیت شوراسی توپلانتیسیندان هر هانسی بیر رسمی سند چیخمادیغینی ساده‌جه سون وضعیتی دگرلندیردیک‌لرینی ایفاده ائتدی.

ریکروفت، بو توپلانتی‌نین میانمارا بیر مئساژ اولدوغونو دا بیل‌دیره‌رک پروسه‌لری تعقیب ائده‌جک‌لرینی بیلدیردی.

اوتورومدا بنگلادشین روهینگیا‌لاری قبول ائدیب ائتمه‌مه مسئله‌سینی ده دانیشدیق‌لارینی بیلدیرن ریکروفت، بنگلادشین بو گونه قدر گؤردوگو ایشلری تقدیر ائتدیک‌لرینی و یئنی گلن‌لره ده قاپینی آچیق توتماسینی ایستدیک‌لرینی ایفاده ائتدی.