آلمانیا‌دان آمریکانین تحریم قرارینا اعتراض
آلمانیا ایقتیصاد و انرژی ناظیری بریگیت زیپرس، آمریکانین، روسیا، ایران و شما‌لی کوره‌یه یئنی تحریم‌لر تطبیق اولونماسینی نظرده توتان قانون لاییحه‌سی‌نین، بین الخالق حقوقو پوزور ائتدیگینی سؤیله‌دی
آلمانیا‌دان آمریکانین تحریم قرارینا اعتراض.
آلمانیا ایقتیصاد و انرژی ناظیری بریگیت زیپرس، آمریکانین، روسیا، ایران و شما‌لی کوره‌یه یئنی تحریم‌لر تطبیق اولونماسینی نظرده توتان قانون لاییحه‌سی‌نین، بین الخالق حقوقو پوزور ائتدیگینی سؤیله‌دی.
زیپریس، فونک مئدیا قروبونداکی قزئت‌لره ائتدیگی آچیقلامادا،
"بیز بونو بین الخالق حقوقا ضد و ساده اولا‌راق قیمتلن‌دیریریک. آمریکا‌لی‌لار باشقا اؤلکه‌لرله تیجارت ائتدیگی اوچون آلمان شیرکت‌لرینی جزالاندیرامازمی." ایفاده‌لرینی ایستیفاده ائتدی.
ناظیر زیپریس، آوروپا کومیسیونونون قارشی تدبیرلر آلماسی لازیم اولدوغونا دا ایشاره ائده‌رک،
"البته تیجارت دؤیوشو ایستمیریک. لاکین آوروپا کومیسیونونون ایندی قارشی تدبیرلری آراشدیرماسی اهمیت‌لی‌دیر." دئیه بیلدیرمیش‌دیر.
دیگر طرف‌دن، آلمانیا خاریجی ایشلر ناظیری سیگمار گابریل ده آمریکا تحریم‌لری‌نین آوروپا‌لی شیرکت‌لره قارشی اؤلکه خاریجینده هر هانسی بیر شکیلده ایستیفاده ائدیلمه‌سینی قبول ائتمه‌یه‌جک‌لرینی ایفاده ائده‌رک،
"تحریم سیاستی، میلی ایخراج ماراق‌لارینی و یئرلی انرژی سکتورونو تشویق ائتمک اوچون الوئریش‌لی و اویغون بیر واسطه دئییل." ایفاده‌لرینی ایستیفاده ائتمیشدی.
آمریکانین روسیا، ایران و شما‌لی کوره‌یه تحریم قراری، کئچن هفته، نماینده‌لر مجلیسینین آردین‌دان سناتو‌دان دا کئچمیشدی.
