کولومبیادا، تاریخی بیر گون یاشاندی

کولومبیادا، تاریخی بیر گون یاشاندی.

کولومبیا اینقیلابچی سیلاح‌لی گوجلری (فارک)، 52 ایل داوام ائدن چاتیشما‌لارین آردین‌دان سون سیلاح‌لارینی دا تسلیم ائتدی.

کولومبیا اینقیلابچی سیلاح‌لی گوجلری‌نین قالاسی اولا‌راق بیلینن مستاس‌دا مراسیم تشکیل ائدیلدی.

بیرلشمیش میللت‌لر تشکیلاتی‌نین کولومبیا میسیون شفی ژان آرناولتون دا اولدوغو مراسیمده، کولومبیا پرزیدنتی خوان مانوئل سانتوس ایله فارک لیدری رودریگو لوندونو ال سیخیشدی.

باریش مساژلاری وئریلدی.

سانتوس،

"سیلاح یوخ، شدت یوخدور. آرتیق اؤزو ایله دؤیوشن بیر اولوس دئییلیک. آرتیق بو گزه گن‌ده آغری‌نین و اؤلومون حکایه‌سی بیزیم طرفیمیزدن یازیلمایاجاق. تک بیر ملّتیق، تک بیر اولوسوز. دموکراسی ایچری‌سینده گله‌جه‌یه دوغرو گئدجگین." دئیه دانیشدی.

فارک، وارلیغینی سیاسی پارتی قورا‌راق داوام ائتدیره‌جک.

بو مدتده تشکیلاتین آدینی دا دییشدیرمه‌سی گؤزلنیلیر.

اؤلکه ایچینده 26 سیلاح توپلانماسی نقطه‌سی قورولدو.

توپلام 7 مین 132 سیلاح، حکومت مسئو‌ل‌لارینا تسلیم ائدیلدی.

آیریجا تشکیلاتا عایید 77 مهمات آنباری دا یوخ ائدیلدی.

باریش راضیلاشماسینا گؤره سیلاح‌لارین می آیی سونونا قدر تسلیم ائدیلمه‌سی لازیم ایدی.

آنجاق بعضی لوجیستیک مانعه‌لر اوزون‌دن بو مدت اوزادیلمیشدی.

اها‌لی‌سی 48 میلیونو آشان لاتین آمریکا اؤلکه‌سی کولومبیادا، یاریم عصردن اوزون سورن ایچ ساواشیندا، 260 مینه یاخین جان ایتکی‌سی یاشاندی.