روسیا: تورک اخیم طبیعی گاز بورو خطی‌نین دؤشنمه‌سینه باشلاندی
گازپروم‌دان ائدیلن آچیقلامادا، روسیا دولت باشقانی ولادیمیر پوتین‌ین ده قاتیلیمی، تورک آخیم پروژه‌سینده قارا دنیزدن کئچه‌جک بورو خطی‌نین روسیانین آناپا شهری ساحل‌لرینده دؤشنمسینه باشلاندیغی ایفاده ائدیلدی
روس انرژی شیرکتی گازپروم، تورک اخیم طبیعی گاز بورو خطی پروژه‌سی‌نین درین دنیز بؤلوموند‌کی بورو خطی‌نین دؤشنمه‌سینه باشلاندیغینی آچیقلادی.
گازپروم‌دان ائدیلن آچیقلامادا، روسیا دولت باشقانی ولادیمیر پوتین‌ین ده قاتیلیمی، تورک آخیم پروژه‌سینده قارا دنیزدن کئچه‌جک بورو خطی‌نین روسیانین آناپا شهری ساحل‌لرینده دؤشنمسینه باشلاندیغی ایفاده ائدیلدی.
آچیقلامادا فیکیرلرینه یئر وئریلن گازپروم ایجرا کومیته‌سی‌نین صدری آلکسی میلر، بورو دؤشمه‌نین 382 مترلیک اوزون‌لوغو و 124 متر گئنیش‌لیگه صاحب دونیانین ان بؤیوک تیکینتی گمی‌سی پیونیرینگ ایسپیریت طرفین‌دن ایجرا ائدیلدیغینی قید ائتدی.
تورک آخیم پروژهسی سایه‌سینده، روس گازی‌نین تورکیه‌یه و اورا‌دان جنوب و جنوب-شرقی آوروپایا اعتبارلی بیر شکیلده یئتیشدیریلمه‌سی تامین ائدیله‌جگینی وورغولایان میلر،
"تورکیه، برقی‌نین یوزده 38ینی گاز چیخاریر. بو سبب‌دن تورک آخیمی پروژهسی تورکیه‌نین و بؤلگه‌نین انرژی امنیتینی اهمیت‌لی نیسبتده آرتیرا‌جاق." ایفاده‌سینی ایستیفاده ائتدی.
کئچن اوکتوبر آییندا ایستانبولدا ایمضا‌لانان تورک آخیمی حکومت‌لر آراسی راضیلاشمانین ایله هر بیری ایلده 15.75 میلیارد متر مکعب توتوما صاحب ایکی بورو خطی‌نین دؤشنمه‌سی پلانلاشدیریلیر.
ایلک خطین تورکیه‌یه، ایکینجی خطین ایسه لازیم‌لی تأمینات‌لارین آلینماسی حالیندا آوروپایا طبیعی گاز چاتدیرماسی نظرده توتولور.
دیگر طرف‌دن، کرملین‌دن ائدیلن آچیقلامادا، تورک آخین طبیعی گاز بورو خطی‌نین پارچا‌لارینی بیرلشدیرمه ایشلرینی تعقیب ائدن روسیا دولت باشقانی ولادیمیر پوتین‌ین، پرزیدنت رجب طیب اردوغانا تلفون ائده‌رک درین سولارداکی بورو دؤشمه عملیاتینا باشلاندیغینی سؤیلدیگی ایفاده ائدیلدی.
پوتین گؤروشمه‌ده، تورک-روس امکداشلیغین سویه‌سی‌نین، بیر چوخ اؤلکه ایله اولان امکداش‌لیق سویه‌سین‌دن چوخ داها یوکسک اولدوغونو سؤیله‌یه‌رک،
"دیگر اؤلکه‌لرله ائدیلن ایشلرده اینظیباتی تصدیق آلما مدتی ایللرجه داوام ائدرکن، تورکیه ایله بو پروسس‌لری بیر نئچه آی ایچینده تاماملاییریق. البته بو، شخصاً وئردیگینیز بیرباشا دستک نتیجه‌سینده رئاللاشیر" دئدی.
پوتین، اردوغانا روس گازینی تورکیه اوزرین‌دن جنوب و جنوب-شرقی آوروپا اؤلکه‌لرینه سؤوق ائتمه‌یه حاضیر اولدوق‌لارینی دا بیلدیریب.
ایلگیلی‌لی خبرلر
جوزپ بورل فیلیسطین دؤولتینی تانییا‌جاق اؤلکه‌لری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.
