ترامپ: اسد رژیمینه یؤنلیک سالدیرینین امرینی، اؤلن کؤرپهلردن تأثیرلنهرک وئردیم
اسد رژیمینه عاید شعیرات هاوا پایگاهینین وورولما مدتینی ایضاح ائدن ترامپ، بو قرارین چوخ یئرینده اولدوغونو و بؤلگهده شیمیایی سیلاحلار ایستیفاده ائدیلدیگینده داها اوّل آلینماسی لازیم اولدوغونو سؤیلهدی
آمریکا پرزیدنتی دونالد ترامپ، سوریهده بشار اسد رژیمینه یؤنلیک ائتدیکلری سالدیرینین امرینی، اؤلن کؤرپهلردن تأثیرلنهرک وئردیگینی سؤیلهدی.
ترامپ، Fox Business کانالیندا یایینلانان و ماریا بارتیرومو طرفیندن حاضیرلانان " Mornings with Maria " آدلی پروقراما قوناق اولدو.
اسد رژیمینه عاید شعیرات هاوا پایگاهینین وورولما مدتینی ایضاح ائدن ترامپ، بو قرارین چوخ یئرینده اولدوغونو و بؤلگهده شیمیایی سیلاحلار ایستیفاده ائدیلدیگینده داها اوّل آلینماسی لازیم اولدوغونو سؤیلهدی.
یئنه ده آمریکانین سوریهیه گئنیش دیامترلی بیر نیظامی عملیات دوشونمدیگینی وورغولایان ترامپ،
"سوریهیه گیرمیریک آنجاق اینسانلارین چوخ قورخونج شیمیایی سیلاحلار ایستیفاده ائتدیکلرینی و گؤزل کؤرپهلرین آتالارینین قوجاغیندا اؤلدوگونو گؤردوم. ایشده او زامان درحال (آمریکا ساوونما ناظیری) ژنرال متیسی آختاردیم و نلر ائده بیلهجگیمیزی سوروشدوم." دئیه دانیشدی.
دونیاداکی ان پیس تیرانلارین بئله اسدین ایستیفاده ائتدیگی نوعدن شیمیایی سیلاحلارلا اینسانلاری هدف ائتمیهجگینی دیله گتیرن ترامپ، ایدلیبدکی شیمیایی سیلاح سالدیریسی ایله باغلی گؤرونتولری ایزلئیینجه موطلق بیر شئی ائتمهلری لازیم اولدوغونو سؤیلدیگینی کؤچوردو.
ترامپ آیریجا،
"بیر قروپ اینسانین اوزرینه شیمیایی سیلاحلار و بوشکا بومبالاری آتدیغینیز زامان او اوشاقلارین قولسوز، قیشسیز و یوزسوز حالینی گؤرورسونوز." ایفادهسینی ایستیفاده ائتدی و بو سالدیریلاری ائدن اسدین نظرده توتاراق "او بیر حیوان." آچیقلاماسینی ائتدی.
سوریه و شیمیایی سیلاح ایستیفادهسی موضوعسوندا اؤزوندن اوّلکی پرزیدنت باراک اوبامانی هدف آلان ترامپ،
"منیم ائتدیگیم شئیین اوباما رهبرلیگی طرفیندن داها اوّل ائدیلمیش اولماسی لازیم ایدی. دئیهسن او زامان سوریه ایندیکیندن چوخ داها یاخشی وضعیتده اولاردی." دگرندیریلمه سینی ائتدی.
آمریکا پرزیدنتی، روسیانین شام رهبرلیگینه وئردیگی دستگی ده تنقید ائتدی و
"پوتین حقیقتن چوخ پیس بیر آداما دستک وئریر و بو هم روسیا، هم اینسان، هم ده دونیا اوچون چوخ پیس." آچیقلاماسینی ائتدی.