آمریکادا هاوایی بؤلگه محکمه سی، دونالد ترامپین گؤچمن فرمانینی دایاندیردی
آمریکا پرزیدنتی ترامپ، یئنی ویزا دوزنلمه‌سی‌نین حیاتا کئچمه‌سینه ساعت‌لر قالا آسکی‌یه آلینماسینا اعتراض ائتدی
آمریکادا هاوایی بؤلگه قاضیسی دریک ک. واتسون، پرزیدنت دونالد ترامپین یئنی ایمضالادیغی و اها‌لی‌سی‌نین اکثریتی مسلمان 6 اؤلکه وطنداش‌لارینا 3 آی یئنی ویزا قاداغانی گتیرن قرنامه‌نین اؤلکه ایچینده دایاندیریلماسینا حؤکم ائتدی.
ایالت وکیل‌لری، بیرباشا مسلمان‌لارین هدف آلدیغین‌دان اؤتورو قرارنامه‌نین آمریکا آنایاسا‌نین ایلک مادده‌سینی پوزدوغونو، ایالت‌دکی ایش و تحصیل موسسیسه‌لری‌نین ایستعدادلی اینسان‌لاری ایستیخدام ائتمه‌سینه مانع تؤرتدیگینی و ایالتین توریزم سکتورونه تأثیر ائتدیغینی ساووندو.
آمریکا پرزیدنتی ترامپ، یئنی ویزا دوزنلمه‌سی‌نین حیاتا کئچمه‌سینه ساعت‌لر قالا آسکی‌یه آلینماسینا اعتراض ائتدی.
تنسی ایالتی‌نین ناشویل شهرینده تشکیل ائدیلن میتینگده اونا دستک وئرن‌لرله بیر آرایا گلن ترامپ، اعتراضینی "مرزینی آشان گؤزلنیلمز بیر محکمه قراری" ایفادسیله گؤستردی.
ترامپ، موضوعنو آمریکا یوکسک محکمه‌سینه قدر تاشییاجاق‌لارینی ایفاده ائتدی.
قرارین کدرلی و پیس بیر خبر اولدوغونو دیله گتیرن ترامپ،
"قازاناجاغیق و وطنداش‌لاریمیزی اعتباردا توتاجاغیق. تهلوکه آچیق‌دیر، قانون آچیق‌دیر، باشقانلیق قرارینا اولان احتیاج دا اورتادا‌دیر" دئدی.
ترامپین 27 ژانویه‌ده ایمضالادیغی و اها‌لی‌سی‌نین اکثریتی مسلمان 7 اؤلکه وطنداش‌لارینا 3 آی ویزا و اؤلکه‌یه گیریش قاداغانی گتیرن فرمان، واشینگتون ایالتی فدرال حاکمی جمس روبارت طرفین‌دن لغو ائدیلینجه، دونالد ترامپ قرانامه‌نی رویزه ائده‌رک تکرار ایمضالامیشدی.
یئنی فرمان، سودان، سوما‌لی، یمن، لیبی، سوریه و ایران اولماق عذره مسلمان 6 اؤلکه وطنداش‌لارینا 90 گون عرضینده ویزا وئریلممه‌سینی، آمریکا قاچقین پروقرام‌لاری‌نین 120 گونده‌لیگینه تاخیره آلینماسینی و اؤلکه‌یه قبول ائدیله‌جک قاچقین کووتاسی‌نین بو ایل اوچون 110 مین‌دن 50 مینه آزاماسینی نظرده توتوردو.
یئنی ویزا دوزنلمه‌سی بو گئجه ایجرایه گیره‌جکدی.
ایلگیلی‌لی خبرلر
جوزپ بورل فیلیسطین دؤولتینی تانییا‌جاق اؤلکه‌لری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.
