5 یاشینداکی ایرانلی اوشاغا کلپچه ووردولار
آناسی ایران وطنداشی اولان اوشاغین آمریکانین مریلند ایالتینده دوغولدوغو قید ائدیلدی
آمریکانین ویرجینیا ایالتینده اولان اولوسلارآراسی واشینگتن دالس هاوا لیمانیندا 5 یاشیندا ایرانلی بیر اوشاغین ساعاتلارجا کلپچهلی اولاراق توتولدوغو اورتایا چیخدی.
آمریکا مئدیاسینا عکس اولونان خبرلرده آمریکا پلیسینین، عایلهسیله بیرلیکده اؤلکهیه گیرمهسینه ایجازه وئریلمهین، آمریکا و ایران وطنداشلیغی اولان 5 یاشینداکی اوشاغا کلپچه تاخاراق ساعاتلارجا گؤزآلتیندا توتدوغو ایفاده ائدیلدی.
خبرلرده، آناسی ایران وطنداشی اولان اوشاغین آمریکانین مریلند ایالتینده دوغولدوغو قید ائدیلدی.
ساعاتلار سورن گؤزآلتینین آردیندان سربست بوراخیلان عائله عضولری، یئنیدن بیر آرایا گلدیکلرینده رومانتیک آنلار یاشادی.
مریلند سناتورو کریس وان هولن طرفیندن گوندمه گتیریلن مؤوضوع، آغ ائوین گوندهلیک مطبوعات کنفرانسیندا دا سوروشولدو.
آغ ائو سؤزچوسو شان اسپایسر، "شخصین یاشیندان و یا جینسیتیندن اؤتری تهلوکهلی اولمادیغینی دوشونمک یانیلدابیلر" دئدی و سیغینماچیلارین اؤلکهیه گیریش مدتینی بو سببله یاواشلاتدیقلارینی سؤیلهدی.
اؤته یاندان اسپایسر، ویزا قاداغانی قرارینین مسلمانلارا فارشی بیر قرار اولمادیغینی مدافعه ائدهرک، اویقولامانی "قاتی بیر گوونلیک یؤنتمی" سؤزلریله تانیملادی.
باشقان دونالد ترامپین وظیفهیه گلیشینین ایلک هفتهسینده عراق، سوریه، ایران، سودان، لیبی، سومالی و یمن وطنداشلارینین اؤلکهیه گیریشینی قاداغان ائتمهسینین آردیندان اؤزللیکله جمعه و جمعه ارتهسی گونو چوخ ساییدا انسان هاواآلانلاریندا گؤزآلتینا آلینمیشدی.