"بیل کلینتونون اوغلویام"
دنی ویلیامز: من بیل کلینتونون اوغلویام. هیلاری منیم اؤگئی آنام و چلسی منیم باجیم
آمریکا قارادریلی گنج دنی ویلیامز، اسکی باشقانلاردان بیل کلینتونون اوغلو اولدوغونو ادعا ائدهرک، دیانای تستی ائدیلمهسینی طلب ائتدی.
اؤلکهده گئچیریلهجک باشانلیق سئچیملرینه بیر هفتهدن آز بیر مدت قالا، دموکراتلارین نامیزدی هیلاری کلینتونون اؤگئی اوغلو اولدوغونو ادعا ائدن ویلیامز، واشینگتونداکی اولوسال مطبوعات کلوبوندا مطبوعات کنفرانسی تشکیل ائتدی.
ویلیامز، "من بیل کلینتونون اوغلویام. هیلاری منیم اؤگئی آنام و چلسی منیم باجیم" سؤزلری ایله اؤزونو تانیداراق، ادعالارینین اثباتی اوچون دیانای تستی ائدیلمهسینی ایستهدی.
آمریکانین آرکانزاس ایالتینده یاشایان گنج، ادعاسینین یئنی اولمادیغینی و 1990.جی ایلدن بری بونلارین اثباتی اوچون اوغراشدیغینی ایفاده ائتدی.
بیل کلینتونون اوغلو اولدوغونو، اویوشدوروجو باغیملیسی آناسینی کیچیک یاشدا ایتیردیگینی ایرهلی سورن گنج، کلینتون عائلهسینین اؤزویله باغلانتییا گئچمهسینی ایستهدی.
"جمهوریتچیلرین نامیزدی دونالد ترامپدان پول آلیب آلمادیغی" سوالینا تپکی گؤسترن گنج، وکیل خرجلری ده داخیل اولماق اوزره بوتون خرجلری اؤزونون قارشیلادیغینی و مباریزهسینین باشقانلیق سئچیملریله ایلگیسی اولمادیغینی سؤیلهدی.
ایلگیلیلی خبرلر
کنیسهنی یاندیرماغا چالیشان شخص اؤلدورولدو
فرانسادا پلیس، بیر کنیسهنی یاندیرماغا چالیشدیغی ادعا ائدیلن شخصی اؤلدوردو
کنیا-دا داشقینلاردا 290-دان چوخ اینسان اؤلوب
کنیا-دا داشقینلاردا اؤلنلرین سایی 291-ا یوکسلیب، 75 نفر ایتکین دوشوب، داها 188 نفر یارالانیب.