زاخارووا لوزان توپلانتیسیندان دانیشدی
اوکتوبرین 15-ده سوئد-ین لوزان شهرینده کئچیریلهجک سوریه توپلانتیسیندا آتسکس مسئلهسی یئنیدن گوندمه گتیریلهجک.
روسیا خاریجی ایشلر ناظیرلیگینین سؤزچوسو ماریا زاخارووا اوکتوبرین 15-ده سوئد-ین لوزان شهرینده کئچیریلهجک سوریه توپلانتیسیندا ان موهوم گوندم مسئلهسینین آتشکسین یئنیدن تامین اولونماسی اولاجاغینی سؤیلهدی.
زاخارووا هفتهلیک مطبوعات کونفرانسیندا چیخیش ائدهرک لوزان-داکی توپلانتیدا روسیا، آمریکا بیرلشمیش دوولتلری، تورکیه و سعودیه عربیستانی-نین خاریجی ایشلر ناظیرلرینین، بیرلشمیش میللتر تشکیلاتینین سوریه عذره خصوصی نمایندهسی ایستفان دی میستورا-نین قاتیلاجاقلارینین پلانلاشدیریلدیغینی بیلدیردی.
زاخارووا: "لوزان فورماتینین باشاریلی اولماسی اوچون بوتون بؤیوک اویونچولارین بعضی عهده لیکلر گؤتورمهسی و میدانداکی قوهلرین آتشکسه عمل اولونماسی اوچون کرکلی ایش گورمهسی لازیمدیر. بو ایش موفقیت ایله حیاتا کئچیریلرسه، سوریه بحرانینا سیاسی حلین یئنیدن باشلاماسی اوچون ایلکین شرایط یارادیلمیش اولار" دئدی.
چیخیشیندا حلبدکی وضعیته ده توخونان زاخارووا روسیا، اسد رژیمی و بیرلشمیش میللتلر تشکیلاتینین حلب-ده کی وضعیتین حل اولونماسی اوچون سئچنکلر آختارماغا حاضر اولدوقلارینی دیله گتیردی.