دانمارک‌دا مسجیده مخالیف اولان قادین جریمه‌لندی

دانمارک‌دا مسجیده مخالیف اولان‌لارین آچدیغی سوسیال مدیا صحیفه‌سینده مسجیدلری یان‌دیرماق اوچون "بیر لیتر بنزین ده مندن" یازان قادین 3 مین کرون (تخمینن 400 یورو ) مبلغینده جریمه‌لندی.

هرگینگ محکمه‌سیندن وئریلن آچیقلامادا جزا قانونون 136-جی مادده‌سینی پوزما و پرووکاتیو حرکت‌لرله خالقی قیزیشدیرمادا تقسیرلی بیلینن قادینا جریمه کسیلدیگی قئید اولونور.

ساوجی لینتته لیسگاردین 60 گون حبس جزاسی ایله آچدیغی داوادا 3 مین کرون جریمه قراری وئریلن قادین TV2 تلویزیونونا وئردیگی آچیقلامادا سؤزوگئدن میساژا گؤره چوخ پشمان اولدوغونو سؤیله‌دی.

قئید ائدک کی، پایتاخت کپنهاک‌ده ایسلام اینانج توپلومونا عاید بیر مسجید و مدنیت بیناسی کئچن ایل یاندیریلیب و مباحیثه لر نتیجه‌سینده سوسیال مئدیا سایت‌لاریندا "مسجید یاندیرماغا بنزین باغیشلاما" کامپانیالاری باشلاییب.

دیگر طرف‌دن، ایکی هفته اول دانمارکا ایسلام توپلومو میللی گؤروش تشکیلاتینا عاید مینا هیندهولم یاتیلی مکتبینه بومبا‌لی هوجوم اولوب. هوجومدا اؤلن و یارا‌لانان یوخ‌دور. اما بینایا مادی ضرر دییب.