ویروسلار اینسالاردان حیوانلارا یاییلیر
ویروسلارین اینسانلارلا حیوانلار آراسیندا حرکت ائتدیگی حاللارین 64 فائزینده اینسانلارین حیوانلارا یولوخدوغو اورتایا چیخیب
ویروسلارین حیواندان اینسانلارا دئییل، اینسانلاردان حیوانلارا کئچدیگی معلوم اولوب.
لدون بیلیم یوردونون مرکزلریندن بیرینده آپاریلان آراشدیرمادا تحقیقاتچیلار تورلر آراسیندا ویروسلارین سیچراییشینی آراشدیرماق اوچون گلوبال وئریلنلر بانکیندان استفاده ائدیبلر.
تخمیناً 12 میلیون آردیجیللیق وئریلنلر بانکیندان استفاده ائدیلن آراشدیرمایا گؤره، ویروسلارین اینسانلارلا حیوانلار آراسیندا حرکت ائتدیگی حاللارین 64 فائزینده اینسانلارین حیوانلارا یولوخدوغو اورتایا چیخیب.
تحقیقات گروهوندا اولان بیولوگ سدریک تان:
"بیز حیوانلارا، بیزه وئردیکلریندن داها چوخ ویروس یاییریق." دئدی.
نمونه اولاراق، تان یئنی نوع کوروناویروسون (کووید-19) اینسانلارا اؤتورولدوکدن سونرا داها سرعتلی یاییلدیغینی گؤستردی.
تان بو تاپینتینین سببینی اینسان اهالیسینین چوخ اولماسی و بوتون دونیایا یاییلماسی ایله علاقهلندیردی و اکیپ اولاراق بو نتیجهنی گؤزلمدیکلرینی، آنجاق "گئرییه باخدیقدا معنا کسب ائتدییینی" قید ائتدی.
تان ویروسلارین اینسانلاردان حیوانلارا یاییلماسینین نسلی کسیلمکده اولان بیر چوخ نوع اوچون خطر یاراتدیغینی دا وورغولاییب.
آراشدیرما "نیچر اکولوژی اند ایوولوشن" ژورنالیندا درج اولونوب.
ایلگیلیلی خبرلر
هیندیستان بالیستیک موشک سینادی
هیندیستان ساوونما باخانلیغی، کریستال میز-۲نین سیناق آتیشینین باشارییلا ایجرا ائدیلدیگینی بیلدیردی