فلوریدادا اوشاقلارین سوسیال مئدیایا گیریشی قیسیدلانیر

آمریکا بیرلشمیش دؤولتلرینین فلوریدا ایالتی والیسی رون دوسانتیس، اوشاقلارین سوسیال مئدیایا گیریشینی محدودلاشدیرماغی آماجلایان قانون لایحه‌سینی ایمضالادی.

دوسانتیس، ۱۴ یاشیندان کیچیک اوشاقلارین سوسیال مئدیا حسابی آچمالارینی قاداغان ائد‌ن، ۱۴-۱۵ یاشینداکی اوشاقلارین آنا-آتالارینین تصدیقینی آلاراق حساب آچمالارینا ایجازه وئره‌ن قانونا باغلی آچیقلاما وئردی.

والی دوسانتیس، سوسیال مئدیانین اوشاقلارا دپرشین، اؤزونه ضرر وئرمه و انتحار کیمی چئشیدلی یوللارلا ضرر وئردیگینی ایفاده ائتدی.

دوسانتیس، اوشاقلارین پورنوگرافیک ایچریکلی اینترنت سایتلارینا گیریشینین یاش دوغرولاما اؤزللیگی ایله انگللنمه‌سینی هدفله‌یه‌ن قانونون، آنا-آتالارا اوشاقلارینی قوروما ایمکانی تامین ائدجگینی سؤیله‌دی.

قانونون ۱ ژانویه ۲۰۲۵ده قوه‌یه گیرمه‌سی گؤزله‌نیلیر.

فلوریدا ایالتی نماینده‌لر مجلیسی، ۲۵ ژانویه‌ده ۱۶ یاش آلتینداکی اوشاقلارین عائله‌لرین تصدیقینه باخیلمادان سوسیال مئدیا ایستیفاده‌سینین قاداغان ائدیلمه‌سینه دایر قانون لایجه‌سینی قبول ائتمیشدی آنجاق دوسانتیس، قانونو آنا-آتا حاقلارینی پوزدوغو سببی ایله وتو ائتمیشدی.