آیدا یاشاماغا ایمکان وئرهن بیر انرژی قایناغی گلیشدیریلدی
آمریکا بیرلشمیش دؤولتلری میللی هاواچیلیق و اوزای دایرهسی ناسانین آرتئمیس پروگرامی چرچیوهسینده ۲۰۳۰ ایلی دولاییندا آیدا بیر مرکز قورولماسی هدفلهنیر
بیلیم اینسانلاری، آسترونوتلارین آیدا اوزون مدت بویونجا قالماسینا ایمکان وئرهجک بیر انرژی قایناغی گلیشدیردی.
آمریکا بیرلشمیش دؤولتلری میللی هاواچیلیق و اوزای دایرهسینین (ناسا) آرتئمیس پروگرامی چرچیوهسینده ۲۰۳۰ ایلی دولاییندا آیدا بیر مرکز قورولماسی هدفلهنیر.
ولزدهکی بنگور اونیوئرسیتهسیندن بیلیم اینسانلاری، مرکزده حیاتی مومکون ائتمک اوچون خاشخاش توخومو قدر کیچیک نووه حجرهلر گلیشدیردی.
اونیوئرسیتهنین؛ رولز رویس، اینگیلتره اوزای آژانسی و آمریکاداکی لوس آلاموس میللی لابوراتورو اورتاقلیغیندا گلیشدیردیگی تکنولوژی، بوتون نووه انرژی مرکزینین بیر اتومبیل اؤلچوسونده اولماسینی تامین ائدیر.
مارسا سفرده ده بیر دوراق اولاراق ایستیفاده ائدیلهبیلهجک آی، مدرن تکنولوژیلر اوچون لازیم اولان بیر چوخ قایناغا صاحب.
بو قایناقلارین یئرینده ایستیفادهسی، اورادان دیگر گزهگنلره گئتمهیی داها آسان قیلابیلر.
آیدا اتموسفر اولمادیغی اوچون هاوا ایستیلیگی -۲۴۸ درجهیه قدر دوشور.
اونیوئرسیتهنین گلیشدیردیگی تریسوفوئل آدلی نووه یاناجاق، رولز رویسون اورهتهجگی میکرو نووه مرکزده ایستیفاده ائدیلهجک.
بو مرکزین بیر راکته یوکلنهرک آیا آپاریلماسینین مومکون اولدوغو ایفاده ائدیلیر.
بنگور اونیوئرسیتهسیندن باشقا بیر قروپ ایسه اوزای راکتلری اوچون نووه ایتکی (ایتیجی گوج) قایناقلاری گلیشدیریر.
قروپون باشینداکی دکتر فیلیس ماکورونژه، یئنی سیستملرینین چوخ گوجلو بیر ایتکی تامین ائتدیگینی و وار اولان تکنولوژیلرله ۹ آیدان اوزون اولان مارس سفرینین ۶ آیا ائنهجگینی سؤیلهدی.