ایلان ماسک یاپای ذکا شیرکتی قوردو
شیرکتین اینترنت سایتین‌دان وئریله‌ن آچیقلامادا، اکس‌آ‌ای‌ین آماجینین "ائورنین گئرچک طبیعتینی آنلاماق" اولدوغو قید ائدیلدی
تسلا و اسپیس‌اکسین اوست یؤنه‌تیچی‌سی ایلان ماسک، یئنی یاپای/صونعی ذکا شیرکتی xAIنی حیاتا گئچیردی.
شیرکتین اینترنت سایتین‌دان وئریله‌ن آچیقلامادا، اکس‌آ‌ای‌ین آماجینین "ائورنین گئرچک طبیعتینی آنلاماق" اولدوغو قید ائدیلدی.
اکس‌آ‌ای قروپونون ایلان ماسک طرفیندن ایداره اولوندوغو ایفاده ائدیلن آچیقلامادا، قروپ عضولرینین داها اؤنجه دیپ‌مایند، اوپن‌آ‌ای، گوگل ریسرچ، مایکروسافت ریسرچ، تسلا و تورونتو اونیوئرسیته‌سین‌ده چالیشدیغی بیلدیریلدی.
آچیقلامادا، قروپون صونعی ذکا ساحه‌سین‌ده ان یایغین قوللانیلان اصوللاردان بعضیلرینه قاتقی وئردیگی، یئنیلیک‌چی تکنیکلرله آنالیزلری ایستیفاده‌یه سوندوغو و ساحه‌ده‌کی ان بؤیوک کشفلردن بعضیلرینین گلیشدیریلمه‌سینه لیدئرلیک ائتدیگی ایفاده ائدیلدی.
اکس‌آ‌ای‌نین اکس کورپ‌دان آیری بیر شیرکت اولدوغو، آنجاق شیرکتین وظیفه‌سینه دوغرو ایر‌لیله‌مه قید ائتمه‌سی اوچون اکس(توییتر)، تسلا و دیگر شیرکتلرله یاخین بیر شکیل‌ده چالیشاجاغی ایفاده ائدیلدی.
ایلان ماسک، مارس آیین‌دا، یاپای ذکا روبات تاساریملاری اوچون اورتاق گوونلیک پروتوکوللاری گلیشدیری‌لنه و موستقیل متخصصلر طرفیندن تطبیق اولونوب کنترلو ائدیلنه قدر ایر‌لی صونعی ذکا روباتلارینین گلیشدیریلمه‌سینه آرا وئریلمه‌سینی طلب ائد‌ن آچیق مکتوبو ایمضالایان میندن چوخ اینسان آراسیندا یئر آلمیشدی.
ماسک، آوریل‌ده ده مایکروسافت و گوگلنین گلیشدیردیگی صونعی ذکا صحبت روباتلارینا میدان اوخوماق آماجییلا "ترات‌جی‌پی‌تی" آدینی وئردیگی بیر پلتفورمو باشلاداجاغینی آچیقلامیشدی.
