تورکیهدن ۴۷ اونیوئرسیته ان یاخشی گنج اونیوئرسیتهلر لیستینده
لیستده یئر آلان اونیوئرسیتهلرین تحصیل، آراشدیرما، بیلگی ترانسفری و اولوسلارآراسی گؤرونوم باخیمیندان دگرلندیریلدیگی ایفاده ائدیلدی
تورکیه، ۲۰۲۳ دونیا گنج اونیوئرسیتهلر سیرالاماسیندا، ۴۷ اونیوئرسیته ایله ان چوخ تمثیل ائدیلهن اؤلکه اولدو.
یوکسک اؤیرتیم قورولوندان (یؤک) وئریلهن آچیقلامایا گؤره، اینگیلتره مرکزلی یوکسک اؤیرتیم درجهلهندیرمه قورولوشو اولان 'تایمز هاییر اجکیشنین گئچمیشی ۵۰ ایل و آلتیندا اولان "ان یاخشی گنج اونیوئرسیتهلره" یئر وئردیگی ۲۰۲۳ گنج اونیوئرسیتهلر' سیرالاماسیندا تورکیه ان چوخ اونیوئرسیتهیه صاحب اولان اؤلکه اولدو.
لیستده یئر آلان اونیوئرسیتهلرین تحصیل، آراشدیرما، بیلگی ترانسفری و اولوسلارآراسی گؤرونوم باخیمیندان دگرلندیریلدیگی ایفاده ائدیلدی.
تایمز هاییر اجکیشن ۲۰۲۳ گنج اونیوئرسیته سیرالاماسی اوچون ۷۸ اؤلکهدن لازیم اولان معیارلاری تامین ائدن ۶۰۵ اونیوئرسیته دگرلندیرمهیه آلیندی.
تورکیهدن ۴۷ اونیوئرسیته لیستهیه گیردی.
کوچ اونیوئرسیتهسی ۵۵.جی، سابانجی اونیوئرسیتهسی ۸۹.جو سیرالاردا یئر آلاراق، ایلک ۱۰۰ه گیرمه باشاریسینی گؤستردی.
۲۰ تورک اونیوئرسیتهسی ایسه ایلک ۵۰۰ ایچریسینده یئر آلدی.