دونیانین اوخو۸۰ سانتیمتر دوغویا دوغرو یئر دییشدیردی
دونیانین جغرافی قطبونداکی اگیلمهیی آراشدیران آراشدیرماچیلار، یئرآلتی سولارینین تأثیری اولمادان بئله بیر دییشمهنین مومکون اولمایاجاغینی سؤیلهییر
یئنی بیر آراشدیرمایا گؤره اینسانلار یئرآلتیندان او قدر چوخ سو چکدیلر کی، دونیانین دؤنوش اوخو یالنیز ۲۰ ایلده تخمیناً ۸۰ سانتیمتر دوغویا مایل اولدو.
بیبیسینین خبرینه گؤره، دونیانین جغرافی قطبونداکی اگیلمهیی آراشدیران آراشدیرماچیلار، یئرآلتی سولارینین تأثیری اولمادان بئله بیر دییشمهنین مومکون اولمایاجاغینی سؤیلهییر.
دونیانین اؤز اطرافیندا فیرلاندیغی اوخ ثابت و دوراغان بیر قورولوشدا دئییل.
یئر کورهسی، قوزئی و گونئی قطبلاریندان گئچهن خیالی بیر خط اوزرینده دؤنرکهن سوروکلهنیب ییرغالانیر و بو حرکت قطب گزینمهسی اولاراق آدلاندیریلیر.
قوزئی قطب نقطهسینین هر ایل ۱۰ متر گئنیشلیگینده بیر چمبر چکدیگی بیلینیر.
آمریکا اوزای آراشدیرمالاری دایرهسی (ناسا)، ۲۰.جی عصرده دونیانین دؤنوش اوخونون ایلده ۴ سانتیمتر اگیلدیگینی تاپمیشدی.
سون دؤورده ائدیلهن آراشدیرمالارا گؤره ایسه، ایقلیم بحرانینین یئر کورهسینین دؤنوشونده یئر دییشدیرمهیه سبب اولدوغو تاپیلمیش، آنجاق یئرآلتی سولارینین بو سوروشمهیه تأثیری تام اولاراق تعیین اولونابیلمهمیشدی.