گوترشدن سوسیال مئدیا اویاریسی
صونعی ذکانین سون حالییلا باغلی "تهلوکه زنگلرینین" چالدیغینا ایشاره ائد‌ن گوترش، بو تکنولوژییه باغلی اویاریلارین اونو گلیشدیره‌نلردن گلدیگینه دقت چکدی
بیرلشمیش میللتلر باش کاتیبی آنتونیو گوترش، دیجیتال ساحه‌ده نیفرت و یالانلار یاییلماسینین جدی کوره‌سل ضرره سبب اولدوغونو ایفاده ائد‌رک، حکومتلر، تکنولوژی شیرکتلری و دیگر ایشتیراکچیلارا حرکته گئچمه چاغریسی ائتدی.
گوترش، بیرلشمیش میللتلرده دیجیتال پلتفورملار حاقین‌دا تشکیل ائتدیگی مطبوعات کونفرانسین‌دا، یئنی تکنولوژیلر و برابرینده‌کی تهدیدلرین سرعتله آرتدیغینی سؤیله‌دی.
صونعی ذکانین سون حالییلا باغلی "تهلوکه زنگلرینین" چالدیغینا ایشاره ائد‌ن گوترش، بو تکنولوژییه باغلی اویاریلارین اونو گلیشدیره‌نلردن گلدیگینه دقت چکدی.
آنتونیو گوترش،
"بیلیم آداملاری و متخصصلر، صونعی ذکانین اینسانلیق اوچون نووه ساواش ریسکینه برابر بیر وار اولوشسال تهدید اولدوغونو اعلان ائد‌رک دونیانی حرکته گئچمه‌یه چاغیردی. بو اویاریلاری جدی قبول ائتمه‌لیییک" دئدی.
"دیجیتال ساحه‌ده نیفرت و یالانلارین یاییلماسی جدی کوره‌سل ضرره سبب اولور" دئیه‌ن گوترش، بونون چاتیشما، اؤلوم و ییخیمی قیزیشدیردیغینا ایشاره ائتدی.
سوسیال مئدیانین بحران زامانلارین‌دا بیرلیکلری دستکله‌دیگینی، دیشلانمیش سسلری یوکسلتدیگینی خاطیرلادان گوترش، آنجاق بو گون عینی تکنولوژینین اوموددان چوخ بیر قورخو قایناغی اولدوغونو ایفاده ائتدی.
گوترش، دیجیتال پلتفورملارین بیلیمی آلت اوست ائتمک و میلیاردلارجا اینسانا یانلیش بیلگی و نیفرت یایماق اوچون سوء ایستیفاده ائدیلدیگینی ایفاده ائد‌رک، بونون آچیق و مؤوجود بیر کوره‌سل تهدید اولدوغونو، آچیق کوره‌سل حرکت طلب ائتدیگینی وورغولادی.
گوترش، بیرلشمیش میللتلر طرفیندن یاییملانان راپوردا یئر آلان توصیه‌لرین اینسان حاقلارینی گوجلو شکیل‌ده قورویارکه‌ن دیجیتال ساحه‌نی داها گوونلی و داها احاطه ائدیجی حالا گتیرمه‌یی آماجلادیغینی قید ائتدی.
