تورکسات ۵ب خدمت وئرمه‌یه باشلایاجاق
"جمهورباشقانیمیزین تشریفی ایله ۸۴ میلیونون ایشتیراکی ایله تورکسات ۵ب اویدوسونو ۱۴ ژوئنده ایستیفاده‌یه وئره‌جییک"
اولاشدیرما و آلت یاپی باخانی عادل قاراسماعیل‌اوغلو ۱۷میده اوربیتینه چیخان تورکسات ۵ب‌نین ۱۴ ژوئنده خیدمته آلیناجاغینی بیلدیردی.
قاراسماعیل‌اوغلو، تورکسات ۵ب خبرلشمه اویدوسونون یؤرونگه یولچولوغونون ۱۹ دسامبر ۲۰۲۱.جی ایلده باشلادیغینی و ۱۷ میده اوربیتینه چاتدیغینی آنیمساداراق بونلاری سؤیله‌دی:
"فعالیت و اوربیتال سیناقلار اوغورلا تاماملاندی. ایندی اویدوموزو خیدمته وئرمه زامانیدیر. جمهورباشقانیمیزین تشریفی ایله ۸۴ میلیونون ایشتیراکی ایله تورکسات ۵ب اویدوسونو ۱۴ ژوئنده ایستیفاده‌یه وئره‌جییک. بئله‌لیکله، اؤلکه‌میزین آکتیو خبرلشمه اویدو ساییسی دا بئشه یوکسه‌له‌جک. اویدوموز اورتادوغونون هامیسی، بصره کؤرفزی، قیزیل دنیز، آغ دنیز، قوزئی و دوغو آفریقا و یاخین قونشو اؤلکه‌لرینی ده ایچینه آلاجاق و گئنیش بیر احاطه ساحه‌سی اولاجاق".
قاراسماعیل‌اوغلو، ۳۵ ایلده‌ن چوخ خیدمت وئره‌جک تورکسات ۵ب‌نین تورکسات ۳آ و تورکسات ۴آنین یدک‌لیگینی تامین ائدجگینی و توتوملارینی آرتیراجاغینی بیلدیردی.
یئرلی و میللی خبرلشمه اویدوسو تورکسات ۶آنین سیناقلارینین داوام ائتدیگینی ده سؤیله‌ین قاراسماعیل‌اوغلو،
" اؤلکه‌میزین خبرلشمه اویدولاری اۆره‌ته‌بیله‌ن ۱۰ اؤلکه آراسیندا اولماسینی تامین ائد‌جک تورکسات ۶آنی، جمهوریتیمیزین ۱۰۰.جو ایلدؤنومون‌ده (۲۰۲۳) اوزایا گؤندرجییک" ایفاده‌لرینی ایشلتدی.
