آمریکا هیپرسونیک سلاح سینادی
سس سرعتینین ۵ قات اۆستونه چیخاراق هیپرسونیک اؤزللیک گؤسترن سلاح، باشاری ایله تست ائدیلدی
1828084
آمریکا، حربی هاوا گوجلری کوموتانلیغی سس سرعتینین ۵ قاتینا چاتابیلن هیپرسونیک سلاحی سینادیقلارینی آچیقلادی.
هاوا گوجلریندن وئریلهن یازیلی آچیقلامادا،
"آمریکا حربی هاوا گوجلرینین ب-۵۲ح تیپی استراتوفورترس اوچاغی ۱۴ میده گونئی کالیفورنیا ساحللرینده آگم-۱۸۳آ هاوادان آتیلان عاجل موداخیله سلاحینی (ARRW) اوغورلا آتدی" ایفادهلرینه یئر وئریلدی.
سلاح اوچاقدان آیریلدیقدان سونرا، سورعتلندیریجیسینین ایشه دۆشدوگو و گؤزلهنیلهن سس سرعتینین ۵ قات اۆستونه چیخاراق هیپرسونیک اؤزللیک گؤستردیگینه توخونولان آچیقلامادا، تستین بؤیوک بیر باشاری اولدوغونا وورغو ائدیلدی.
سؤزوگئدن سلاح لاکهید مارتین شیرکتی طرفیندن حاضیرلانمیش و یوکسک سرعتله حساس هدفلری وورماق اوچون طرح ائدیلمیشدی.