ت‌رت‌دن گنجلره اؤزل تدبیر: نکست بای ت‌رت وورلد فوروم
مینلرجه اینسانین ایشتیراک ائتدیگی تدبیرده تکنولوژیدن متاورسه، ان‌اف‌تی آتلیهسیندن اوزای توریزمینه قدر بیر چوخ مؤوضوع موذاکیره ائدیلدی
۲۰۱۷.جی ایلده‌ن بری دونیانین اؤنملی کۆره‌سل پروبلئملرینی گۆندمه گتیره‌ن ت‌رت وورلد فورومونون گنجلره اؤزل ائتکینلیگی نکست بای ت‌رت وورلد فوروم مشهور اوزمانلار و بیر چوخ گنجین ایشتیراکی ایله گرچکلشدیریلدی.
۲۰۱۷.جی ایلده‌ن بری تشکیل ائدیله‌ن و دونیانین اؤنملی پروبلئملرینی موذاکیره‌یه قویان ت‌رت وورلد فورومو طرفیندن، ژورنالیستلرین، آکادمیسینلرین، مدنی قورولوش عضولری و گیریشیمچیلرین اؤز سسلرینی ائشیتدیریب فیکیر آلیش وئریشی ائتدیگی یئنی بیر پلتفورم حیاتا گئچیریلدی.
۱۴ می جمعه ائرته‌سی گونو حیاتا گئچیریله‌ن «نکست بای ت‌رت وورلد فوروم‌دا اؤز ساحه‌لرینین متخصصلری گنجلرله گؤروشوب، گله‌جگین شکیللنمه‌سینده گنجلرین گوجو و اؤنمی حاقیندا دارتیشدی.
مینلرجه اینسانین ایشتیراک ائتدیگی تدبیرده تکنولوژیدن متاورسه، ان‌اف‌تی آتلیهسیندن اوزای توریزمینه قدر بیر چوخ مؤوضوع موذاکیره ائدیلدی.
ت‌رت باش مودورو سوباجی: "نکست، گنجلری و گله‌جگی بیر آرایا گتیره‌ن بیر تشکیلاتدیر"
"متاورس و مئدیا: تکنولوژینین ان سون میلی قازئته‌چیلیگه نئجه تأثیر ائد‌جک؟" اوتورومونا قاتیلان و گنجلرله بیرلیکده اوتورومو دنه‌ییمله‌ین ت‌رت باش مودورو محمد زاهید سوباجی گنجلره، «نکست گنجلری و گله‌جیی بیر آرایا گتیره‌ن بیر تشکیلاتدیر. گنجلیک و گله‌جک بیر آرایا گلنده اونا مطلق اوچونجو بیر قاورام علاوه ائتمه‌لیییک؛ او دا اومود قاورامیدیر. اصلینده، دونیانین عمومی خالینا باخاندا پروبلئملرین داها باسقین بیر نقطه‌ده اولدوغونو گؤروروک. بیز بو پروبلئملرین حلی اوچون معین قرار وئرمه پروسه‌لری یاراتماغا چالیشیریق، مصلحت پلاتفورمالاری یاراتماغا چالیشیریق اما بیر شئی چاتیشمیر.
او دا اؤنملی بیر قایناق اولان گنجلر. اونا گؤره ده بیز نکستی تشکیل ائتدیک، گنجی نظره آلماق ایستدیک. چونکو گنجین طبیعتین‌ده یارادیجیلیق وار، تخیل گۆجو، یئنیلیکچی فیکیرلر، دینامیزم وار. سیز بو دینامیزمی و یارادیجی فیکری، یئنیلیکچی باخیش آچیسینی پروبلئملرین حلینه داخیل ائتمه‌سه‌نیز، بو گونون پروبلئملرینی حلی نقطه‌سینده داها چوخ چتینلیک چکه‌جکسینیز. اونا گؤره ده بیز تکنولوژینی بیر اؤنجه‌کی نسیلدن چوخ داها یارادیجی و نتیجه یؤنوملو بیر شکیلده ایستیفاده ائدن گنجلره دقتی یؤنلتمک ایستدیک و ت‌رت وورلد دامی آلتیندا گنجلری بو تدبیرله اوداقلانماق ایسته‌دیک، ت‌رت وورلد فورومون چتری آلتیندا گنجلری ده بو سۆره‌جین بیر پارچاسی ائتمک ایسته‌دیک".
پانئللرده "دییشییم و گلیشیم" وورغوسو
گزه‌گنیمیزین پروبلئملرین‌دن اوزای توریزمه، تکنولوژینین اینکیشافیندان توپلومون گئریله‌مه‌سینه و آنی تۆکه‌دیلن محتوا‌دان ایش مودللرینه قدر بیر چوخ سوال و سورونون دارتیشیلدیغی "نکست بای ت‌رت وورلد فوروم"ا تورکیه‌دن و دونیادان اؤز ساحه‌سینده متخصص گنج قاتیلدی. دونیانین دییشمه‌سینده اؤزللیکله گنجلرین اؤنمینه دقت چکیلن تدبیرده "آکتیو وطنداشلق" وورغوسو ائدنلردن بیری سوسیال‌بن وقفینین قوروجوسو ائجه چیفتچی اولدو.
"گنجلر اولاراق اؤز اؤلکه‌لریمیز اوچون نه ایسته‌سک دونیا اوچون ده عینیسینی ایسته‌ییریک" دئیه‌ن چیفتچی "امکداشلیغا" وورغو ائتدی.
دونیانین ایلک متاورس آژانسی قوروجولاری جان یورداقول، فایسال او-ک، سارا الجمال و بئگوم آیدین‌اوغلو ایسه متاورسین یئنی دونیانین شکلیللنمه‌سینه نئجه تأثیر ائدجگینه دایر پانئله قاتیلدیلار. متاورس ایله سرحدلرین ییخیلدیغینی و دونیانین چوخ داها گئنیش بیر حال آلدیغینی بیلدیره‌ن اکیب، گنجلرین بو ساحه‌ده نئجه چالیشدیغینی دا گؤزلراؤنونه سردی.
ایقلیم بحرانی ایله باغلی "گزه‌گن اوچون سس وئر: گنجلرین ایقلیم حرکتی" پانئلی ایسه بوتون ایشتیراکچیلار طرفیندن ماراقلا ایزلنیلدی.
گنجلره ان‌اف‌تی‌دن متاورسه قدر بیر چوخ تجروبه سونولدو
آنا صحنه‌ده‌کی پانئللرله یاناشی، پارالل صحنه‌ده ده بیر چوخ تدبیر گئچیریلدی. ان‌اف‌تی آتلیهسیندن دیجیتال گرافیتییه، اؤزل قوناقلارلا سؤیله‌شی‌لردن سانال گرچکلیگه قدر بیر چوخ ائتکینلیگی تجروبه ائدن گنجلر، "نکست بای ت‌رت وورلد فوروم" ایله هم بیر بیری ایله هم ده اولوسال و اولوسلارآراسی بیر چوخ قورولوشلا امکداشلیق ائتمه‌نین ذؤوقونو یاشادی.
