اردوغان: اؤنوموزده‌کی دؤنمی دیجیتال سفربرلیک دؤنمی اعلان ائتدیک
"اورتایا آتیلان، 'تورکیه‌نین تکنولوژیده اؤنه چیخما شانسینین قالمادیغی' ادعاسی بو اؤلکه‌نین گنجلرینه حقارتدیر"
جمهورباشقانی رجب طیب اردوغان قارشیدان گلن دؤنمی دیجیتال سفربرلیک دؤنمی اعلان ائتدیکلرینی بیلدیردی.
اردوغان باشکند آنکارادا گئچیریله‌ن "فوروم متاورس" تدبیرینده قاتیلیمچیلار دانیشماسیندا، دونیانین دیجیتال تکنولوژیلر اوزرینده قورولان یئنی بیر دؤنمه دوغرو گئتدیگینی سؤیله‌دی.
"اؤلکه‌لرین یؤنه‌تیچیلری اولاراق بیزیم وظیفه‌میز اؤز خالقیمیزی، گنجلریمیزی و خصوصاً ده بو قاچینیلماز گله‌جه‌یه ان دوغرو، ان گوونلی، ان گوجلو و ان دونانیملی شکیلده حاضرلاماق‌دیر" دئدی.
جمهورباشقانی کارتله چئوریلمیش سوسیال مئدیا پلتفورملارینین حقوقی و اخلاقی سرحد بیلمز یئتکیلرینین بئله بو ساحه‌ده یولون آچیلماسی ضرورتینین ملموس ایفاده‌سی اولدوغونو ایفاده ائد‌رک بئله داوام ائتدی:
"ایندی آرتیق بؤیوین دیجیتال اقتصادی گئرچگی، دیجیتال مدنیت حقیقتی وار، بونا گؤره بوتون اؤلکه‌لرین قبول ائدیب آرخاسیندا دوراجاغی دیجیتال حقوقی نظامی یاراتمادان بو پروبلئملرین حلی ممکن دئییل. بیزه دۆشن بو خائوتیک دیجیتال ایقلیمده اؤنجه‌لیکله اؤز اینسانلاریمیزی، اؤز اوشاقلاریمیزی قوروماق و اونلارین قلوبال گلیشیملرین ایچینده حتی اؤنونده یئر آلاجاق ایمکانلار یاراتماقدیر".
تورکیه‌نین اوزایداکی یئرینی داها گوجلو شکیلده توتماق اوچون اؤز اویدوسونو یاپان، یازیلیملارینی حاضرلایان، بالیستیک آراجلارینی دیزاین ائد‌ن بیر اؤلکه اولدوغونو وورغولایان اردوغان، کۆره‌سل تراستلارا (صنایع تک‌ال‌چیلری) باخیلاراق اورتایا آتیلان، "تورکیه‌نین تکنولوژیده اؤنه چیخما شانسینین قالمادیغی" ادعاسینین بو اؤلکه‌نین گنجلرینه حقارت اولدوغونو سؤیله‌دی.
«ایها-لارینیزی، سیها-لارینیزی، آخینچیلارینیزی اگر یاپابیلمیرسنیز، هر آن قول اولماقلا قارشی قارشییاسینیز" دئین اردوغان قارشیدان گلن دؤنمی بیر دیجیتال سفربرلیک دؤنمی اولاراق اعلان ائتدیگینی بیلدیردی.
جمهورباشقانی، تورکیه‌نین پتانسیلینین اؤز سیلیکون وادیسینی یاراداجاق سویه‌‌ده اولدوغونو وورغولادی.
