دونیانین ان دگرلی برندی یئنه ده اپل اولدو
اپل بو ایل ده "دونیانین ان دگرلی یرندی" عنوانینی قورودو
دونیانین ان دگرلی برندی بو ایل ده اپل اولدو.
اولوسلارآراسی برند دگرلندیرمه قورولوشو برند فایننس طرفیندن حاضرلانان "دونیانین ان دیرلی ۵۰۰ برندی-گلوبال ۵۰۰-۲۰۲۲ آراشدیرماسی" سونوجلاندی.
بونا گؤره، دگرینی گئچن ایله نیسبتاً یوزده ۳۵ آرتیراراق ۳۵۵ میلیارد دلارا یوکسلدن اپل "دونیانین ان دگرلی یرندی" عنوانینی قورودو. ۲۰۲۱ آراشدیرماسیندا دا ۲۶۳،۴ میلیارد دلارلا اپل بیرینجی یئری آلمیشدی.
اپلی، تخمیناً ۳۵۰ میلیارد دلار برند دگری ایله آمازون، ۲۶۳ میلیارد دلارلا گوگل تعقیب ائتدی.
سؤزوگئدن لیستده مایکروسافت شیرکتی ۱۸۴،۲ میلیارد دلارلا ۴.جو، والمارت شیرکتی۱۱۲ میلیارد دلارلا ۵.جی، سامسونگ شیرکتی ۱۰۷،۳ میلیارد دلارلا ۶.جی، فیسبوک شیرکتی ۱۰۱،۲ میلیارد دلارلا ۷.جی، چین شیرکتی ایسیبیسی ۸ ۷۵،۱ میلیار دلارلا ۸.جی، هواوی شیرکتی ۷۱،۲ میلیارد دلارلا ۹.جو، ورایزون شیرکتی ایسه ۶۹،۶ میلیارد دلارلا ۱۰.جو سیرادا یئر آلدی.
اؤلکهلر آراسیندا آمریکا ان اؤنده یئر آلدی. قلوبال ۵۰۰ لیستیندهکی شیرکتلردن ۱۹۹ونون آمریکا، ۷۷سینین چین، ۳۱ینین ژاپن، ۲۸ینین فرانسا، ۲۵ینین آلمانیا، ۲۳ونون بریتانیا شیرکتلری اولدوغو گؤرولدو.
اؤته یاندان، کوروناویروس دؤنمینده آشی حاضیرلایان فایزر شیرکتی دونیانین ان دگرلی برندلری آراسیندا ۶،۳ میلیارد دلارلا ۳۵۲.جی، آسترازنکا ایسه ۵،۶ میلیارد دلارلا ۴۰۷.جی سیرادا یئر آلدی.