آشی لارین اومیکرونا قارشی تاثیری آچیقلانیب

ایسراییل عالیم‌لری آشی لارین یئنی نوع کوروناویروس (کووید-19) واریانت‌لارینا قارشی 90 فایزه قدر قوروما تامین ائتدیگینی بیلدیریب‌لر.

ایسراییل-ین ساغلیق ناظیری نیتزان هوروویتز سون 6 آیدا ایکی دفعه آشی و "بوستر" دوزو ایله واکسن اولونان‌لارین "اومیکرون" واریانتین‌دان قوروندوغونو آچیقلاییب.

ن.هوروویتز "یاخین گون‌لرده "اومیکرون"ا قارشی آشی لارین تاثیری حاقیندا داها دقیق معلومات الده ائدجییک، لاکین بیز آرتیق اوپتیمیستیک و آشی اولونان‌لار دا "بوستر" دوزو  ایله بو واریانت‌دان قورونا‌جاق‌لار" دئییب.

ایسراییل خبر کانا‌لی دا "فایزز" آشی‌سی‌نین "اومیکرون" انفکسیونونون قارشی‌سی‌نین آلینماسیندا 90 فایز تأثیرلی اولدوغونو، لاکین آشی اولونمایان‌لارین جدی سیمپتوم‌لار اینکیشاف ائتدیرمه احتیمالی‌نین 2،4 قات داها چوخ اولدوغونو گؤسترن بیر راپور آچیقلاییب.

ایسراییل-ده گؤرولن ایکی "اومیکرون" حادثه‌سی‌نین شئبا طب مرکزینده ایشله‌ین ایکی حکیم اولدوغو بیلدیریلیب.

دیگر طرف‌دن، آلمانیانین نؤوبتی ساغلیق ناظیری اولماغا حاضرلاشان کلینیک اپیدمیولوق، پروفسور کارل لاوترباخ ارکن راپورلارین "اومیکرون" واریانتی‌نین میلاد هدیه‌سی اولا بیله‌جگینی و حتی اپیدمی نین سونونو سرعتلندیره بیله جگینی سؤیله‌ییب.