سون ۵۸۱ ایلین ان اوزون آی توتولماسی
ان اوزون پارچالی آی توتولماسی سیراسیندا آیین یوزده ۹۷سی دونیانین کؤلگهسینده قالدی
آمریکا بیرلشمیش دؤولتلرینده قوندوز آیی (بیویر مون) اولاراق بیلینهن نوامبر بوتؤو آیی و سون ۵۸۱ ایلین ان اوزون آی توتولماسی گرچکلشدی.
آمریکادا "قوندوز آیی" اولاراق بیلینهن نوامبر بوتؤو آیی، آمریکا دوغو یاخاسی ساعاتییلا ۰۱.۰۲ده باشلادی. سون ۵۸۱ ایلین ان اوزون پارچالی آی توتولماسی سیراسیندا آیین یوزده ۹۷سی دونیانین کؤلگهسینده قالدی و بو وضعیت ۳ ساعات ۲۸ دقیقه و ۲۳ ثانیه داوام ائتدی.
۲۰۲۱.جی ایلین سون آی توتولماسی، قوزئی و گونئی آمریکا، استرالیا، آوروپا و آسیانین بعضی بؤلگهلرینده گؤرولدو.
آیین اؤز اوربیتینده دولانارکهن دونیانین کؤلگهسینه گیرمهسی ایله توتولما گرچکلهشیر.
نوامبر بوتؤو آیی، توتولما سیراسیندا گؤرولهن قیرمیزی گؤرونتو سببیله "قانلی آی" اولاراق دا آدلاندیریلیر.
نوامبر بوتؤو آیی، استرالیانین کوئینزلند ایالتینین بریزبن شهرینده یئر آلان استوری بریج اوزرینده گؤرسل شؤلن سوندو. اسپانیانین قوزئی باتیسینداکی گالیسیا اؤزارک بؤلگهسیندن ده ایزلهنیلهن بوتؤو آی، گؤرنلری حیران ائتدی.