انسان اورگانی، انسانسیز هاوا آراجی ایله داشیندی
تورونتو شهریندهکی وسترن خستهخاناسیندا بیر خستهدن آلینان آغجییر ۶ دقیقهلیک اوچوشدان سونرا تورونتو جنرال هاسپیتالا چاتدی
کانادادا خستهیه جالاق ائدیلهجک آغجییر انسانسیز هاوا آراجی/درون ایله بیر خستهخانادان دیگرینه گؤندریلدی.
تورونتو شهریندهکی وسترن خستهخاناسیندا بیر خستهدن آلینان آغجییر ۶ دقیقهلیک اوچوشدان سونرا تورونتو جنرال هاسپیتالا چاتدی.
درون ایله داشیما ایشینی حیاتا گئچیرهن اونیتر بیوالکترونیک شیرکتینین صاحبی مارتین روتبلات، کانادانین رسمی خبر آژانسینا، بیر قروپلا ۱۸ آی بویونجا یئریتدیکلری چالیشمادا باشاریلی بیر انتقال اوچون بوتون آددیملاری سینادیقلارینی سؤیلهدی.
ایلکی، ۲۰۱۹.جو ایلده آمریکانین بالتیمور شهرینده بیر بؤیرک گؤندریلمهسی ایله باشلایان درونلا اورگان داشیما، داها سونرا نوادادا قرنیه و مینهسوتادا دا پانکراس داشینماسی ایله داوام ائتدی.
تورونتودا حیاتا گئچیریلهن پیلوتسوز هاوا آراجی ایله آغجییر داشیماق اوچون اونیتر بیوالکترونیک شیرکتی ده آغجییرده هئچ بیر پوزولمایا یول وئرمهیهجک اؤزل بیر قوتو حاضرلادی.
قوتونو یوکسکلیک، بارومتریک باسینج، تیترهمهلره و دیگر سارسیجی حادثهلردهکی دییشیکلیکلره دایاناجاق شکیلده حاضرلایان شیرکت، دونانیما، قوتونون داشینماسی سیراسیندا میدانا گلهبیلهجک دوشمه اختیمالینا قارشی چتر و گلیشمیش بیر جیپیاس سیستمی علاوه ائتدی.
یئنی سیستمله، خستهیه جالاقلاناجاق اورگانلاردا انتقال سیراسیندا ایتیریلن واختین ان آزا ائندیریلمهسی هدفلهنیر.
ایلگیلیلی خبرلر
هیندیستان بالیستیک موشک سینادی
هیندیستان ساوونما باخانلیغی، کریستال میز-۲نین سیناق آتیشینین باشارییلا ایجرا ائدیلدیگینی بیلدیردی