دونیانین ان اسکی حیوان فسیلی تاپیلدی
یئنی فسیللر، دونیادا تاپیلان ان قدیم حیوان فسیلیندن ۳۵۰ میلیون ایل داها یاشلی
کانادادا ۸۹۰ میلیون ایللیک دونیانین ان قدیم حیوان فسیلی تاپیلدی.
آسوشیتد پرسدهکی خبرده، کانادانین لورنشن بیلیمیوردونون ژئولوگلاریندان اولان الیزابت تورنرین، قوزئی باتی تورپاقلاریندا (نورث وست تریتوریز)۱۹۸۰.جی ایللردن بری آراشدیردیغی قایالاردا ۸۹۰ میلیون ایللیک سۆنگر (اسفنج) فسیللرینی تاپدیغی ایفاده ائدیلدی.
خبرده تورنرین، قوزئی باتی تورپاقلاری ایالتیندهکی قازینتی ساحهسینده، یالنیز هلیکوپترله گئدیلهبیلهن اوزاق بیر بؤلگهده، یئنی قایالار کشف ائتدیگی، بو قایالارین اینجه بؤلوملرینده مدرن سۆنگر اسکلتلرینه بنزهیهن اوچ اؤلچولو قورولوشلار اولدوغو بیلدیریلدی.
بیتیشیک قایا طبقهلرینین تاریخلهنمهسی نتیجهسینده نمونهلرین تخمیناً ۸۹۰ میلیون یاشیندا اولدوغو معین ائدیلدی کی، بو دا دونیادا تاپیلان ان قدیم حیوان فسیلیندن ۳۵۰ میلیون ایل داها یاشلی اولدوغونو گؤستریر.
بیلیم آداملاری، اینیدیه قدرکی دارتیشماسیز ان اسکی اسفنج فسیلینین، کامبرین دؤورو اولاراق آدلانان، تخمیناً ۵۴۰ میلیون ایل قاباغا عاید اولدوغونو قبول ائدیر.
مؤوجود دلیللرین سۆنگرلرین داها ارکهن، تخمیناً بیر میلیارد ایل اؤنجه اورتایا چیخدیغینی گؤستردیگینی سؤیلهیهن بیلیم دونیاسی، بو گونه قدر بونو تصدیق ائدجک هئچ بیر فیزیکی دلیل تاپاممامیشدی.
آراشدیرما نیچر درگیسینین سون ساییسیندا یاییملاندی.