پرفسور دکتر اوغور شاهین و دکتر اؤزلم توره‌جییه اؤدول

تورک بیلیم انسانلاری پروفسور دکتر اوغور شاهین و حیات یولداشی دکتر اؤزلم توره‌جییه اسپانیادا اؤدول وئریلدی

1663832
پرفسور دکتر اوغور شاهین و دکتر اؤزلم توره‌جییه اؤدول

اسپانیانین ان بؤیوک بیلیم اؤدولو، پروفسور دکتر اوغور شاهین و حیات یولداشی دکتر اؤزلم توره‌جی ایله بیر قروپ بیلیم اینسانینا وئریلدی.

اسپانیانین ان پرستیژلی اؤدوللری اولاراق بیلینه‌ن و شاهزاده لئونورا عطفاً وئریله‌ن آستوریاس پرنسسی اؤدوللرین‌ده تکنیک و بیلیمسل آراشدیرمالار‌دا اؤدوله یئنی نسیل کوروناویروس (کووید-۱۹) آشیسینین تاپیلماسییلا باغلی اولاراق اوغور شاهین و حیات یولداشی اؤزلم توره‌جینین ده آرالارین‌دا اولدوغو بیر قروپ بیلیم اینسانی لایق گؤرولدو.

آستوریاس شاهزاده‌سی اؤدوللری تکنیک و بیلیمسل آراشدیرمالار ژوریسی، کووید-۱۹ واکسنلرینین تاپیلماسینا قاتقیلارین‌دان اؤترو ۲۰۲۱ ایلی اؤدولونه اوغور شاهین (دکتر)، اؤزلم توره‌جی (دکتر)، کاتالین کاریکو (بیوکیمیاچی)، درکس ویسمان (ایممونولوگ)، فیلیپ فلگنر (ایممونولوگ)، دریک روسی (بیولوگ) و ساراه گیلبرتین (آشی متخصصی) لایق گؤرولدویونو آچیقلادی.

ژوری، بو بیلیم اینسانلارینا اؤدولون وئریلمه سببینی بو سؤزلرله بیلدیردی:

"چالیشمالاری، کوره‌سل اؤلچک‌ده ساغلیغین قورونماسی اوچون تمل بیلیمین اؤنمینین مکمل بیر نومونه‌سی‌دیر. تمل آراشدیرمالارداکی اوزون ایش حیاتلاری ایله، کووید-۱۹ سالقینییلا ساواشماق اوچون تأثیرلی آشیلار الده ائتمک کیمی یئنی‌لیک‌چی اویقولامالارا لیدئرلیک ائتدیلر. هم یئنی بیر تکنولوژی اولان "آران‌ای‌"ین گلیشدیریلمه‌سی هم ده آدنوویروسلار اوچون آشیلارین اوره‌تیلمه‌سی، دیگر خسته‌لیکلره قارشی قوللانیملاری اوچون ده بیر اومود یولو آچدی."

اوغور شاهین، اؤدولو آلماسی سببی ایله آستوریاس شاهزاده‌سی وقفینه آچیقلاماسیندا،

"آستوریاس شاهزاده‌سی اؤدولو، بیلیمین اینسان‌لیق اوچون بیر فرق یارادابیله‌جگینین مکمل بیر شکیل‌ده تانینماسی باخیمین‌دان اؤنملی. آراشدیرمالاریمیزین و ایشلرینیزین بو سالقینا قارشی مبارزه‌یه قاتقی‌ وئره‌بیلدیگی و بیر چوخ انسانا کؤمک ائده‌بیلدیگی اوچون چوخ مینتدارام" ایفاده‌سینی ایشلتدی.

اؤزلم توره‌جی ده،

"آستوریاس شاهزاده‌سی اؤدولونون صاحبلری آراسین‌دا یئر آلماق بیر غروردور. بیلیمین اصل هدفینی حیاتین یاخشیلاشدیریلماسی اولاراق تانیملایان بو اؤدول ایله دگر‌لی بیر ائلچی اولاراق گؤرولمک‌دن درین بیر غرور دویورام" آچیقلاماسی وئردی.



ایلگیلی‌لی خبرلر