آمریکا، جاسوس اویدوسونو اوزایا یوللادی
آتیلیش، اینترنت‌دن جان‌لی یایینلانیرکه‌ن راکتین ایکینجی مرحله‌سینین باشلاماسی و اویدونو گیزله‌دن قالخانین آچیلماسینین آردین‌دان "گیزلی‌لیک" سببیله یایین کسیلدی
1629398
آمریکا، "نرول-۸۲" آدلی جاسوس اویدوسونو اوزایا گؤندردی.
ایشله‌وی گیزلی توتولان اویدو، لاکید مارتین و بوئینگ شیرکتلرینین اورتاق‌لیغی یونایتد لانچ آلیانس شیرکتینین اوره‌تدیگی "دلتا ۴ هیوی" تیپی آغیر داشیییجی راکت ایله کالیفورنیا ایالتین‌ده‌کی واندنبرگ هاوا مرکزیندن آتیلدی.
آتیلیش، اینترنت‌دن جان‌لی یایینلانیرکه‌ن راکتین ایکینجی مرحله‌سینین باشلاماسی و اویدونو گیزله‌دن قالخانین آچیلماسینین آردین‌دان "گیزلی‌لیک" سببیله یایین کسیلدی.
آمریکادا کشف اویدولارینین تاسارلانماسی، اوره‌تیمی، آتیلماسی و ایشلدیلمه‌سین‌دن سوروملو استخبارات بیریمی اولوسال کشف بیروسونا (نرو) عاید اویدونون هانسی وظیفه اوچون ایستیفاده ائدیله‌جگی بیلینمیر.
