سوروجوسوز تسلا اتومبیل سانحهسی: ایکی اؤلو
اوتوپیلوت سیستمیندهکی تسلا اتومبیل، دؤنگهدن دؤنهبیلمهیینجه بیر آغاجا ووردو، آلوو آلدی
آمریکانین تگزاس ایالتینده، اتوماتیک سوروجو سیستمینده اولدوغو ایفاده ائدیلهن تسلا اتومبیلین تصادف ائتمهسی نتیجهسینده ۲ نفر حیاتینی ایتیردی.
الده ائدیلهن بیلگییه گؤره، سوروجو اوتوراجاغیندا کیمسهنین اولمادیغی، اؤن یولچو اوتوراجاغی ایله آرخا اوتوراجاقدا بیر نفرین سیاحت ائتدیگی اوتوپیلوت سیستمیندهکی تسلا اتومبیل، دؤنگهدن دؤنهبیلمهیینجه بیر آغاجا ووردو، آلوو آلدی.
۲ نفرین اؤلدوگو سانحهده، آراجین باتریلرینین یانماغا داوام ائتمهسی نتیجهسینده آلوولار ۴ ساعات بویونجا سؤندورولهبیلمهدی.
قضا، یاری اتوماتیک سوروش سیستمینی گونجللنشمیش "تام اتوماتیک" حالییلا داها چوخ ایستیفادهچییه ساتیشا چیخارماغا حاضرلانان تسلا اوچون گوونلیک قایغیلارینی دا یانیندا گتیردی.
آمریکا اتومبیل گوونلیک آژانسی، تسلا آراجلارلا ائدیلهن و ان آز اوچو یاخین زاماندا باش وئرن ۲۷ قضا اوچون مارس آییندا سوروشدورما باشلاتدیغینی بیلدیریلمیشدی.
تسلا اوست یؤنتیجیسی ایلان ماسک، ژانویه آییندا وئردیگی آچیقلامادا، یئنی اوتوپیلوت پروگرامدان بؤیوک قازانج گؤزلنتیسی اولدوغونو سؤیلهمیشدی.
اؤز-اؤزونه سوروش (سلف-درایوینگ) تکنولوژیسینین تیجاری باشارییا چاتماسی اوچون گوونلیک قایغیلارینی مینیموم سویهیه گتیرمهسی لازیم اولدوغو ایفاده ائدیلیر.
ایلگیلیلی خبرلر
هیندیستان بالیستیک موشک سینادی
هیندیستان ساوونما باخانلیغی، کریستال میز-۲نین سیناق آتیشینین باشارییلا ایجرا ائدیلدیگینی بیلدیردی