تورکیهنین ایلک اورتا منزیللی موشک موتورو دونیا رکوردو قیردی
تئی-تژ۳۰۰ توربوجت موتورونون گلیشدیرمه تستلرینین تاماملانماسینین آردیندان سری اورهتیمی باشلایاجاق
تورک مهندسلری طرفیندن تامامیله یئرلی و میللی ایمکانلارلا حاضرلانان تورکیهنین ایلک اورتا منزیللی موشک موتورو تئی-تژ۳۰۰، دونیا رکوردو قیردی.
۲۰۱۷ده توبیتاک، توساش موتور صنایعی (تئی) و روکتسان امکداشلیغی ایله گلیشدیریلمهیه باشلایان تئی-تژ۳۰۰ توربوجت موتورو پروژهسینده، هدفلنهن گوجون چوخ اؤتهسینده نتیجهلر اورتایا چیخدی.
۲۳۰-۲۵۰ میلیمتر صینیفینداکی دیگر رقیب موتورلارین ان یاخشیسی ۲۵۰ میلیمتر قطر ایله ان چوخ ۱۲۵۰ نیوتن سویهسینده ایتکی اورهتیرکن تئی-تژ۳۰۰ موتورو، ۲۴۰ میلیمتر قطر ایله ۱۳۴۲ نیوتن ایتکی قوتینه چاتاراق بو صینیفدا بیر دونیا رکوردو قیردی.
تئی-تژ۳۰۰ توربوجت موتورونون ایلک پروتوتیپ چالیشدیرما مراسیمی، صنایع و تکنولوژی باخانی مصطفی وارانکین ایشتیراکییلا ژوئن ۲۰۲۰ده گرچکلشدیریلمیشدی.
وارانک، ایندی ده تئی-تژ۳۰۰ون قیردیغی رکوردو س.سیال مئدیا حسابیندان پایلاشدی. پایلاشیمدا، تئی-تژ۳۰۰ون رکورد قیران تستینین ویدئوسو دا یئر آلدی.
موشک سیستملرینه اویغونلاشدیریلابیلمهسی اوچون ۲۴۰ میلیمتر محدود قطردا، صینیفیندا بو ایتکی گوجونو اورهتهبیلهن دونیاداکی ایلک موتور اولان تئی-تژ۳۰۰، ۵۰۰۰ فیت ارتفاعدا سس سرعتینین یوزده ۹۰ینا چاتان یوکسک سرعتلرده چالیشابیلیر.
تئی-تژ۳۰۰ موتورو، هر هانسی بیر باشلادیجی سیستمه احتیاج اولمادان کولک تأثیری ایله باشلایابیلمه اؤزللیگینه صاحب. بو اؤزللیک، پلتفورمون هم هاوا، هم دنیز، هم ده قورو ساوونما سیستملرینه تطبیق اولونماسینی مومکون ائدیر.
تئی-تژ۳۰۰ توربوجت موتورونون گلیشدیرمه تستلرینین تاماملانماسینین آردیندان سری اورهتیمی باشلایاجاق.
ایلگیلیلی خبرلر
هیندیستان بالیستیک موشک سینادی
هیندیستان ساوونما باخانلیغی، کریستال میز-۲نین سیناق آتیشینین باشارییلا ایجرا ائدیلدیگینی بیلدیردی