"فایزر" اوچونجو دوز آشی‌یا احتیاج اولا بیله جگینی آچیقلاییب

امریکالی داوا شیرکتی "فایزر" یئنی نوع کوروناویروس (کووید-19) علیهینه آشی‌نین تطبیق اولوندوغو اینسان‌لارین ان گئج 12 آی عرضینده اوچونجو دوز آشی یا احتیاج‌لاری اولا بیله‌جگینی آچیقلاییب.

شیرکتین صدری آلبرت بوورلا "مومکون بیر سناریویا گؤره، 6 ایله 12 آی آراسیندا اوچونجو دوزا احتیاج دویولا‌جاق و اینسان‌لارین هر ایل یئنی‌دن آشی لانماسی واجیب اولا‌جاق. یئنی ویروس نوع لری‌نین گؤرونمه‌سی بو قرارین وئریلمه‌سینده اهمیت‌لی رول اوینایا‌جاق" دئییب.

بیلدیریلیر کی، "فایزز"ین معلومات‌لاری 2000-دن چوخ آشی اولونموش اینسانا اساس‌لانیر، لاکین 6 آیدان سونرا قورومانین داوام ائدیب-ائتمه‌دیگینی معین‌لش‌دیرمک اوچون داها چوخ معلوماتا احتیاج وار.

"فایزر-بیون تک" فوریه آییندا ویروسون یئنی واریانت‌لارینا قارشی باغشیکلیک رئاکسیاسینی داها یاخشی باشا دوشمک اوچون "کووید-19" آشی‌سی‌نین اوچونجو دوزونو تست ائتدیک‌لرینی آچیقلامیشدی.

"جانسون اند جانسون"ین رهبری آلکس گورسکی ده عینیله مؤوسومی گریپ آشی لاری کیمی اینسان‌لارین هر ایل "کووید-19" آشی سینی قبول ائتمه‌لرینه احتیاج اولا بیله‌جگینی ایفاده ائتمیشدی.