آمریکالی سیاست بیلیمچی: تورکیه بورادا آنا آکتور اولدو
آمریکالی سیاست قورامچیسی فرانسیس فوکویاما، تورک سیهالارینین بؤلگهسینده یاراتدیغی گوجلو تاثیرلردن اؤوگو ایله بحث ائتدی
آمریکالی سیاست قورامچیسی فرانسیس فوکویاما، تورک سیهالارینین (سلاحلی اینسانسیز هاوا آراجلاری)، گئچهن ایل تورکیهنین بؤلگهسل گوج اولاراق یوکسلمهسینه اؤنملی قاتقی وئردیگینی سؤیلهدی.
فوکویاما، "آمریکن پورپیز" درگیسینده یاییملانان مقالهسینده تورک سیهالارینین بؤلگهسینده یاراتدیغی گوجلو تاثیرلردن اؤوگو ایله بحث ائتدی.
"کورهسل گؤرونوم، عسگری سیهالار طرفیندن دییشدیریلدی و تورکیه بورادا آنا آکتور اولدو" دگرلندیرمهسینی وئرن فوکویاما، تورکیهنین اورهتدیگی سیهالاری لیبی، سوریه، داغلیق قاراباغ و اؤز سرحدلری ایچینده بؤلوجو ترور هؤرگوتو پکاکایا قارشی ایستیفاده ائتدیگینی قید ائتدی.
تورک سیهالارینین گوجونون ائتکیلهییجی اولدوغونا دقت چکهن آمریکالی سیاست بیلیمچی،
"سون تورک اینسانسیز هاوا آراجلاری اولدوقجا ائتکیلهییجی؛ مثلاً تب۲، ۲۴ ساعت هاوادا قالابیلیر و هم کشف هم ده سالدیری وظیفهلرینی ایفا ائدهبیلیر" دگرلندیرمهسینی وئردی.
سوریه، لیبی و داغلیق قاراباغدا ایستیفاده ائدیلهن تورک سیهالارینین ساحهده ایجرا ائتدیگی وظیفهلرین تعجب دوغوروجو اولدوغونو ایفاده ائدن فوکویاما، سؤز قونوسو هاوا آراجلارینین اؤزللیکله ارمنیستان عسگری عنصورلارینا وئردیگی خسارتین دقت چکیجی اولدوغونو یازدی.
فوکویاما، تورکیهنین سون ایللرده اورهتدیگی سلاحلی اینسانسیز هاوا آراجلارینین گونوموز ساواش تاکتیکلرینی دییشدیردیگینه دقت چکهرک،
"سیهالار ۲۰۲۰ده تورکیهنین بؤلگهسل گوج اولاراق یوکسلمهسینه اؤنملی قاتقی وئردی. اؤلکه، بحث ائدیلهن اوچ چاتیشمانین نتیجهسینی قرارلی شکیلده تعیین ائتدی و داها چوخونو ائدهبیلهجگینی ده گؤستریر" دئدی.
ایلگیلیلی خبرلر
هیندیستان بالیستیک موشک سینادی
هیندیستان ساوونما باخانلیغی، کریستال میز-۲نین سیناق آتیشینین باشارییلا ایجرا ائدیلدیگینی بیلدیردی