تورک پروفسور، آلمانیانین ان یاخشی اونیوئرسیته‌لریندن بیرینین رئیسی سئچیلدی

آلمانیادا تورک فیزیک‌چی، پروفسور دوکتور متین تولان، گوتینگن بیلیم‌یوردو رئیسی سئچیلدی.
گوتینگن اونیوئرسیته‌سین‌دن وئریله‌ن یازی‌لی آچیقلامادا، اونیورسیته سناسینین تولانی سس بیرلیگی ایله باشقان سئچدیگی و سئچیمین اونیوئرسیته یؤنتیم قورولو طرفین‌دن تصدیق اولوندوغو ایفاده ائدیلدی.
تولانین وظیفه‌سینه یازدا باشلایاجاغی بیلدیریلدی.
باشقان سئچیله‌ن پروفسور دکتر متین تولان دا اونا گؤستریله‌ن گووندن سئوینج دویدوغونو بیلدیررک،
"ان یاخشی اونیوئرسیته‌لردن بیرینین رئیسی سئچیلمک بؤیوک شرف‌دیر. اونیوئرسیته‌نی گله‌جکده‌کی وظیفه‌لره حاضرلاماق اوچون داها چوخ چالیشاجاغیق" دئدی.