تورک‌ست ۵آ اویدوسو اوزایا آتیلاجاق
تورکییه‌نین ایلک یئرلی و میللی اویدوسو تورک‌ست ۶آنین یاپیم ایشلری داوام ائدیر
تورکیه‌نین اویدو ایشلتمه‌چیسی تورک‌ست‌ین باش مودورو جنک شن، تورک‌ست ۵آ اویدوسونون، گلن ایلین ایکینجی دؤردده‌بیرینده اوزایا آتیلماسینین پلانلاشدیردیغینی بیلدیردی.
آمریکا بیرلشمیش دؤولتلرینین باشکندی واشینگتون‌دا تشکیل اولونان ساتلایت ۲۰۱۹ سرگی‌سین‌ده، تورک‌ستی غرفه‌سینی گزن اسپیس‌اکس اوست یؤنتیچیسی گوین شات‌ول، تورک‌ست باش مودورو جنک شن و تورک‌ست باش مودور یاردیمچیسی حسن حسین ارتوخون دا ایشتیراکی ایله توپلانتی ائدیلدی.
شن، تورک‌ست ۵آ و ۵ب اویدولارینا دایر بیلگی آلیش وئریشی ائدیلن توپلانتینین آردین‌دان وئردیگی آچیقلامادا، تورکیه‌نین فعال اویدو دونانماسین‌دا ۳ خبرلشمه اویدوسونون اولدوغونو، تورک‌ست ۵آ، تورک‌ست ۵ب و تورکییه‌نین ایلک یئرلی و میللی اویدوسو تورک‌ست ۶آنین یاپیم ایشلرینین ایسه داوام ائتدیگینی دئدی.
دونیانین ان بؤیوک اویدو سرگی‌سی اولان ستلایت ۲۰۱۹دا تورک‌ست اولاراق یئر آلدیقلارینی ایفاده ائد‌ن شن، "تورکییه‌نین ان اؤنملی اویدو ایشلتمه‌چیسی اولان تورک‌ست اولاراق سرگی چرچیوه‌سینده اویدو اۆره‌تیجی و ایشلتمه‌چیلری ایله گؤروشمه‌لر گرچکلشدیردیک. گؤروشمه‌لریمیز اؤلکه‌میز آدینا چوخ اولوملو و وئریملی گئچدی" دئدی.
شن، ۳۱ درجه دوغو لوکاسیونونا آتیلاجاق تورک‌ست ۵آ اویدوسونون، بیر ترس‌لیک اولماسا، ۲۰۲۰.جی ایلین ایکینجی دؤردده‌بیرینده آمریکانین فلوریدا ایالتینده‌کی آتما سکوسوندان اوزایا گؤندریله‌جگینی بیلدیردی.
