تورکیهنین یئنی اویدولاری
اویدو صاحبی ۳۰ اؤلکهدن بیری اولان تورکیهنین، اویدو ساییسی ۶یا یوکسلهجک
نقلیات و آلتیاپی باخانی جاهد تورحان، اویدو صاحبی ۳۰ اؤلکهدن بیری اولان تورکیهنین، تورکسات ۵آ، ۵ب و ۶آنی ایستیفاده ائتمهیه باشلاماسی ایله فعال خبرلشمه اویدو ساییسینین ۶یا یوکسلهجگینی بیلدیردی.
باخان تورحان، تورکیهنین آکتیو اویدو دونانماسیندا حاضردا ۳ خبرلشمه، ۳ گؤزلم اویدوسو اولدوغونو ایفاده ائدرک، تورکسات ۳آ، تورکسات ۴آ و تورکسات ۴ب اویدولاری خبرلشمه احتیاجینی قارشیلارکن، گؤکتورک-۱، گؤکتورک-۲ و راسات گؤزلم گؤرهوینی یئریدیر.
تورکیهنین، ۳۱ درجه قوزئی، ۴۲ درجه دوغو و ۵۰ درجه دوغو اولماق اوزره اوچ فرقلی اوربیتده اویدو خیدمتی وئردیگینی خاطیرلادان تورحان، ۴۲ و ۵۰ درجه دوغو یؤرونگهلرینی تورکسات اویدولاری قوللانیرکن، ۳۱ درجه دوغو یؤرونگهسینده کیرایهلیک اویدونون اولدوغونو بیلدیردی.
جاهد تورحان، اویدولارلا سادهجه یایینچیلیق ساحهسینده دئییل، گئنیش باند اینترنت تامین ائتمه ساحهسینده ده بؤیوک بیر گوجه صاحب اولاجاغینی دا ایفاده ائتدی.
تورحان، تورکیهنین، ۶ خبرلشمه اویدوسونون دا آکتیو حالا گلمهسی آسیادا تورک جمهوریتلری داخیل چینه قدر اوزانان بؤلگهیه، آفریقا و آوروپانی احاطه ائدن جغرافیایا خیدمت وئرجگینی قید ائتدی.