غزه-ده اؤلنلرین سایی آرتماقدا داوام ائدیر
ایسراییل اوردوسونون 7 اوکتبردان اعتباراً غزه زولاغیندا حیاتا کئچیردیگی هوجوملاردا حیاتینی ایتیرنلرین سایی 34 مین 154نفره یوکسلیب.
ایسراییل اوردوسونون 7 اوکتبردان اعتباراً غزه زولاغیندا حیاتا کئچیردیگی هوجوملاردا حیاتینی ایتیرنلرین سایی 34 مین 154نفره یوکسلیب.
غزه-دهکی فیلیسطین ساغلیق ناظیرلیگینین سؤزچوسو اشرف القدره ایسراییلین 199 گوندور غزه زولاغینا هوجوملاری ایله باغلی معلومات وئریب.
اشرف القدره ایسراییل قوهلرینین سون 24 ساعاتدا غزه زولاغینا تشکیل ائتدیگی هوجوملاردا داها 54 فیلیسطینلینین حیاتینی ایتیردیگینی، 104 فیلیسطینلینین ایسه یارالاندیغینی بیلدیریب.
اشرف القدره ایسراییلین 7 اوکتبردان بو یانا غزه زولاغینا تشکیل ائتدیگی هوجوملاردا حیاتینی ایتیرنلرین سایینین 34 مین 154 نفره، یارالیلارین سایینین ایسه 77 مین 84 نفره یوکسلدیگینی قئید ائدیب.
ساغلیق ناظیرلیگینین سؤزچوسو اشرف القدره داغینتیلار آلتیندا و یول کناریندا هله ده اؤلولرین اولدوغونو، لاکین ایسراییل قوهلرینین مانعهسی سببیندن طب قروپلارلا سیویل ساوونما ایشچیلرینین جسدلرین اولدوغو بؤلگهیه داخیل اولا بیلمهدیگینی وورغولاییب.