آمریکا قووهلرینین سوریهدهکی عسگری مرکزلرینه هوجوملار
آمریکا قووهلرینین یئرلشدیگی حسکهنین الیعربیه قصبهسیندهکی خراب الجير هاوا لیمانینداکی عسگری بؤلگه پیلوتسوز اوچوش آپاراتی و راکتلرله هدفه آلینیب
آمریکا قووهلرینین سوریهنین قوزئی دوغوسونداکی حسکهده یئرلشدیریلن عسگری بؤلگه کامیکازه تیپلی پیلوتسوز اوچوش آپاراتی و منبعی معلوم اولمایان راکتلرله هوجوما معروض قالیب.
یئرلی منبعلردن الده ائدیلن ملوماتا گؤره، آمریکا قووهلرینین یئرلشدیگی حسکهنین الیعربیه قصبهسیندهکی خراب الجير هاوا لیمانینداکی عسگری بؤلگه پیلوتسوز اوچوش آپاراتی و راکتلرله هدفه آلینیب.
هوجوملا باغلی آچیقلاما وئریلمهییب.
فرات چایینین غرب ساحیلینده یئرلشن ایرانین دستکلدیگی ترورچو گروپلار 28 فوریه 2024-جو ایل تاریخینده آمریکا قووهلرینین یئرلشدیگی عمر نفت یاتاغی عسگری بؤلگهسینه راکتلرله هوجوم ائدیب.
سوریهده سون گونلر آمریکا اوردوسونون تنف بؤلگهسینده، عراق سرحدینه یاخین مالکیه بؤلگهسینده، حسکه ویلایتینین شدادی بؤلگهسی و دیر الزور ایالتینده یئرلشدیردیگی عسگری بؤلگهلره منبعی معلوم اولمایان سیلاحلی پیلوتسوز اوچوش آپاراتلاری و یئردن-یئره سیلاحلار ایله هوجوملار هیاتا کئچیریلیب.
ایرانین دستکلدیگی قروپلار واختآشیری فرات چایینین دوغو ساحیلیندهکی آمریکا عسگری بؤلگهلرینه راکتلر، پیلوتسوز اوچوش آپاراتی و سیلاحلی پیلوتسوز اوچوش آپاراتلارلا هوجوم ائدیر.
دیگر طرفدن سوریهد آمریکانین رهبرلیک ائتدیگی کوالیسیون قووهلرینین یئرلشدیگی عسگری بؤلگهیه عراقدان راکت هوجومو هیاتا کئچیریلیب.
عراق حؤکومتینه باغلی تهلوکهسیزلیک مدیا شبکهسی طرفیندن ائدیلن یازیلی آچیقلامادا،
"نینوا عملیات قوماندانلیغینا باغلی گروپلار عراق و سوریه یاخینلیغیندا سوریه اراضیسینده کوالیسیون قووهلرینین عسگری بؤلگهسینه بیر نئچه راکتله هوجوم ائدن غیری-قانونی گروپلارین آختاریشینا باشلاییب." بیاناتلاری داخیل ائدیلمیشدیر.
عراق حربی قووهلرینین سوریهدهکی عسگری بؤلگهیه راکتلرین بوراخیلدیغی ”اوتوموبیلی“ اله کئچیردیکلری، جینایتکارلارین توتولاراق قانونا تسلیم ائدیلمهسی اوچون سعیلرینی داوام ائتدیردیکلری بیلدیریلیب.