ایسرائیلده نتانیاهویا قارشی غضب داوام ائدیر

ایسرائیلین غزه‌ده قتل عاملاری داوام ائدرکن، اؤلکه‌ داخیلینده باش ناظیر بنیامین نتانیاهویا قارشی غضب داوام ائدیر.

پایتخت تل‌آویوده گروگان عائله‌لری و اونلارین طرفدارلاری یئنیدن کوچلره چیخیب.

ایسرائیللی محبوسلارین یاخینلاری و طرفدارلاری ساوونما ناظیرلیگینین بیناسی قارشیسینا توپلاشاراق آتیش‌کس طلب ائدیبلر.

اعتیراضچیلار فیلیسطینین موقاویمت حرکاتی هماس طرفین‌دن ساخلانیلان گروگانلارین تئز بیر زاماندا ائولرینه قاییتماسینی طلب ائدیبلر.

اعتیراضچیلار ساوونما ناظیرلیگینین بیناسیندان اؤلکه‌نین ان بؤیوک ایشچی سندیکاسی اولان هستدروت مرکزینه دوغرو یوروش ائدیبلر.

"عومومی تعطیل و یا دستک" و "تعجیلی سازیش" یازیلمیش پلاکاردلار داشییان اعتیراضچیلار هستدروتدان محبوس موبادیله‌سی موقاویله‌سی ایمضالاماق اوچون حؤکومته تضییق گؤسترمه‌یی طلب ائدیبلر.