ایسرائیلدن "ایرانا قارشیلیق وئریلهجک" آچیقلاماسی
"سالدیری، عسگری تاسیسلره قارشی اولاجاق. بونا تپکی وئرمک مجبوریتینده‌ییک"
ایسرائیلین برلین ائلچیسی رون پروسور، ایرانین سالدیریسینا، تهران رژیمینین عسگری تاسیسلرینی هدف آلاراق قارشیلیق وئره‌جکلرینی سؤیله‌دی.
آلمان ولت تی‌وی کانالینا دانیشان ائلچی پروسور، ایسرائیلین نظامی اولمایان هدفلره سالدیرمایاجاغینی ایفاده ائتدی. پروسور، "سالدیری، عسگری تاسیسلره قارشی اولاجاق. بونا تپکی وئرمک مجبوریتینده‌ییک. بو داشیندیریجیلیغین چوخ آچیق اولماسی بؤلگه اوچون ده اؤنملیدیر" ایفاده‌لرینی ایشلتدی.
ایسرائیلین قارشیلیق وئرمه عزمینی وورغولایان آنجاق آیرینتییا گیرمکدن قاچینان پروسور، "نه واخت، هارادا و نئجه؟ بونا ساواش کابینه‌میز قرار وئره‌جک" دئدی.
ایسرائیل اوردو سؤزچوسو دانیل هاگاری ده ایسرائیل هایوم قزئتینه وئردیگی آچیقلامادا، "بئله بیر سالدیریا (۱۳ آوریل‌ده‌کی) جاواب وئرمه‌مک مومکون دئییل. سئچدیگمیز یئر و زاماندا حرکت ائدجییک و بونا باغلی هر هانسی بیر سؤز گرکسیزدیر" ایفاده‌لرینی ایشلتدی.
ایسرائیل، ایرانین دمشقده‌کی کونسوللوق بیناسینا ۱ آوریلده هاوا سالدیریسی تشکیل ائتمیش، ایران اینقیلاب گؤزتچیلری اوردوسوندان ۲سی ژنرال روتبه‌سینده ۷ نفر اؤلموشدو.
ایران، ایسرائیلین کونسوللوق سالدیریسینن اؤلکه‌سینین تورپاقلارینا سالدیری معناسینی وئردیگینی و قارشیلیق وئره‌جکلرینی بیلدیرمیشدی.
ایسرائیل ده ایرانین سالدیریلارینا جاواب وئرجگینی بیلدیرمیشدی.
ایران، ۱۳ آوریلده ایسرائیله یوزلرله کامی‌کازه اینسانسیز هاوا آراجی، بالیستیک و کروز موشکی ایله سالدیری باشلاتمیش، بعضی عسگری هدفلرین وورولدوغونو آچیقلامیشدی.
ایران بعضی هدفلرین وورولدوغونو، ایسرائیل ایسه سالدیریلارین چوخونون هاوا ساوونما سیستملری طرفیندن اؤنلندیگینی آنجاق گونئیده‌کی بیر عسگری مرکزه موشک اصابت ائتدیگینی آچیقلامیشدی.
ایسرائیل مطبوعاتی، تل‌آویو رهبرلیگینین ایرانین هاوا سالدیریسینا قارشی "آچیق و تأثیرلی" شکیلده جاواب وئرمه قراری آلدیغینی ادعا ائتمیشدی.
