ایسرائیل ایرانا قارشیلیق وئرهجیینی آچیقلادی
ایراندا سوءقصد عملیاتلاری و یا گئنیش میقیاسلی الکترونیک هوجومون دا نظردن اوزاق اولمادیغی بیلدیریلیب
ایسرائیل باش قرارگاه رئیسی هرتزی هالوی ایرانین اؤلکهسینه قارشی هاوا هوجومونا جاواب وئرجکلرینی بیان ائدیب.
ایسرایلین دؤولت تلویزیونو کان، ایرانا قارشی "نظارت ائتمهیه ایمکان وئرهجک، جاواب وئرهمیهجک و بؤلگهنی هرطرفلی ساواشا سوروکلهمیهجک، محدود هوجومون" پلانلاشدیریلدیغینی اعلان ائتدی.
پروگرامدا ایرانلا گرگینلیگین آرتماسی سببیندن غزهنین ایکینجی پلانا کئچمهسینین آرزو اولونمادیغینا دقت چکرک، مسئوللارین ”ایران ایلک دفعهدیر اؤز اراضیسیندن بیرباشا هوجوما کئچدیگی اوچون قیرمیزی خطین کئچدییینه ایناندیغینی“ و جاواب وئرمهنین واجیب اولدوغونو بیلدیریر.
پروگرامدا، ایسرائیل حربی هاوا قووهلرینین ایرانا قارشی مومکون هوجوم حاضیرلیقلارینی تاماملادیغینی، هوجومون فورماسی ایله باغلی معلومات وئریلمسه ده، ایراندا سوءقصد عملیاتلاری و یا گئنیش میقیاسلی الکترونیک هوجومون دا نظردن اوزاق اولمادیغی بیلدیریلیب.
ایسرایلین باش قرارگاه ریسی هرتزی هالوی ده ایرانین هاوا هوجومونا جاواب وئرجکلرینی بیان ائدیب.
ایسرائیل اوردوسوندان وئریلن یازیلی آچیقلامایا گؤره، هالوی ایرانین 13 آوریلده هیاتا کئچیردیگی هوجومدا "جزئی" ضرر گؤردویو بیلدیریلن نئواتیم هاوا تاسیسینی زیارت ائدیب.
هالوی، بورادا وئردیگی آچیقلامادا "بیز گؤزلهییریک، آددیملاریمیزی نظردن کئچیریریک و بو قدر راکتلرین، قانادلی راکتلرین و پیلوتسوز اوچوش آپاراتلارینین ایسرائیل اراضیسینه بوراخیلماسی جاوابلا قارشیلاناجاق." دئدی.
ایسرائیل آوریلین 1-ده ایرانین دمشقدهکی کونسوللوغونون بیناسینا هاوا هوجومو حیاتا کئچیریب، نتیجهده ایکیسی ژنرال اولماقلا ایران اینقیلابی کئشیکچیلری اوردوسوندان 7 نفر هلاک اولوب.
ایران بیان ائتمیشدی کی، ایسرائیلین ایران کونسوللوغونا هوجوم اونون اؤلکه اراضیسینه هوجوم دئمکدیر و اونلار بونا جاواب وئرجکلر.
ایسرائیلده ایرانین هوجوملارینا جاواب وئرجیینی بیان ائدیب.
اؤتن گئجه ایران یوزلرله کامیکازه پیلوتسوز اوچوش آپاراتی، بالیستیک و قانادلی راکتلرله ایسرائیله هوجوم ائدیب و بعضی حربی هدفلرین وورولدوغونو آچیقلاییب.
ایسرائیل بیلدیریب کی، هوجوملارین اکثرییتینین قارشیسی هاوا هوجومو مودافیعه سیستملری طرفیندن آلینیب، لاکین بیر راکئت جنوبداکی حربی تاسیساتا دوشوب.