ناتو ایران و ایسرائیلی مولاییم اولماغا چاغیریب
اؤتن گئجه ایران یوزلرله کامیکازه پیلوتسوز اوچوش آپاراتی، بالیستیک و قانادلی راکتلرله ایسرائیله هوجوم ائدیب و بعضی حربی هدفلرین وورولدوغونو آچیقلاییب
ناتو "ایرانین ایسرائیله هوجوملاری یله یاخین شرقده گرگینلیگی آرتیرماسینی" پیسلهییب و مولاییم اولماغا چاغیریب.
ناتو سؤزچوسو فرح دخل الله ایکس حسابیندا وئردیگی آچیقلامادا "بیرلیک ایرانین اؤتن گئجه گرگینلیگی آرتیرماسینی پیسلهییر و اعتدالا چاغیریر" دئییب.
ناتو-نون حادیثهلری یاخیندان ایزلهدیگینی ایفاده ائدن دخل الله، "یاخین شرقدهکی موناقیشهنین نظارتدن چیخماماسینین حیاتی اهمییتی وار" دئدی.
ایسرائیل آوریلین 1-ده ایرانین دمشقدهکی کونسوللوغونون بیناسینا هاوا هوجومو حیاتا کئچیریب، نتیجهده ایکیسی ژنرال اولماقلا ایران اینقیلابی کئشیکچیلری اوردوسوندان 7 نفر هلاک اولوب.
ایران بیان ائتمیشدی کی، ایسرائیلین ایران کونسوللوغونا هوجوم اونون اؤلکه اراضیسینه هوجوم دئمکدیر و اونلار بونا جاواب وئرجکلر.
ایسرائیلده ایرانین هوجوملارینا جاواب وئرجیینی بیان ائدیب.
اؤتن گئجه ایران یوزلرله کامیکازه پیلوتسوز اوچوش آپاراتی، بالیستیک و قانادلی راکتلرله ایسرائیله هوجوم ائدیب و بعضی حربی هدفلرین وورولدوغونو آچیقلاییب.
ایسرائیل بیلدیریب کی، هوجوملارین اکثرییتینین قارشیسی هاوا هوجومو مودافیعه سیستملری طرفیندن آلینیب، لاکین بیر راکئت جنوبداکی حربی تاسیساتا دوشوب.