بنیامین نتانیاهو رفحه هوجوم ایله باغلی آچیقلاما وئریب

ایسراییلین باش ناظیری بنیامین نتانیاهو اؤلکه‌سی‌نین هوجوملاریندان‌ قاچان 1،5 میلیون فیلیسطین‌لی‌نین سیغیندیغی  رفحه هوجوم اوچون تاریخین تعیین اولوندوغونو بیلدیریب.

بو باره‌ده بنیامین نتانیاهو رسمی "ایکس" اینترنت صحیفه‌سینده ائتدیگی پای‌لاشیمدا بیلدیریب.

غزه-ده‌کی اسیرلری آزاد ائتمگی و حماس اوزرینده غلبه‌نی هدفلدیک‌لرینی ایفاده ائدن بنیامین نتانیاهو بونون اوچون رفحه هوجومون ضروری اولدوغونو ایره‌لی سوروب.

بنیامین نتانیاهو ایسراییلین هوجوم‌لاری سببیندن یورد-یووالاریندان‌ دیدرگین دوشن 1،5 میلیون اینسانین سیغیندیغی رفحه قورو هوجومو ایله باغلی دئییب: "بو باش وئره‌جک، بیر تاریخ وار.

دونن ایسراییلین ساوونما ناظیری یواو گالانت اوردونون غزه-نین گونئیینده‌کی خان یونیس‌-دان گونئیینده‌کی رفحه هوجوما حاضیرلیق مقصدیله چکیلدیگینی بیلدیریب.