فیلیسطین پرزیدنتی یئنی حکومتین ترکیبینی تصدیقله‌ییب

فیلیسطین پرزیدنتی محمود عباس محمد مصطفی‌نین باشچی‌لیق ائتدیگی یئنی حکومتین ترکیبینی تصدیقله‌ییب.

بو باره‌ده وفا آژآنسی معلومات یاییب.

معلوماتا گؤره، محمد مصطفی رهبرلیک ائتدیگی ناظیرلر کابینه‌سی‌نین حیاتا کئچیرمگی پلانلاشدیردیغی اصلاحات‌لار پروگرامینی محمود عباسا تقدیم ائدیب.

محمود عباس تقدیم اولونان سندلرله تانیش اولا‌راق یئنی حکومتین تصدیقلنمه‌سی باره‌ده فرمان ایمضالاییب.

محمد مصطفی‌نین باش ناظیر وظیفه‌سی ایله یاناشی، فیلیسطین خاریجی ایشلر ناظیرینین معاوینی وظیفه‌سینی ده ایجرا ائدجگی قئید اولونوب.