روسیادا اعدام جزاسینین گئری گتیریلمه‌سی دانیشیلیر
دؤولت دوماسی باشقانی ویزچسلاو وولودین، قانونلارا ضد اولماسینا باخمایاراق بو گیریشیمی دستکله‌دیگینی آچیقلادی
روس پارلمانینین آلت قانادی دؤولت دوماسی، وار اولان حقوقی قیسیدلامالارا باخمایاراق اعدام جزاسینین گئری گتیریلمه‌سی احتیمالینی گوند‌مینه آلدی.
دؤولت دوماسی باشقانی ویزچسلاو وولودین، قانونلارا ضد اولماسینا باخمایاراق بو گیریشیمی دستکله‌دیگینی آچیقلادی. داها اؤنجه اعدام جزاسینین گئری گتیریلمه‌سینه قارشی اولان آنایاسا کمیته‌سی باشقانی پاوئل کراشئنیکوو بئله بو مؤوضوعداکی 'تکلیفلرین دانیشیلاجاغینی' سؤیله‌دی.
عدالتلی روسیا پارتیسینین پارلامان قروپو باشقانی سرگئی میرونوو، بو پروبلئمین حلی اوچون رفراندومو تکلیف ائدیب ۸ سپتامبردا تشکیل ائدیله‌بیله‌جگینی سؤیله‌دی.
وولودین ایسه اعدام جزاسی قونوسونو ایندییه قدر گوند‌مینه آلمایان آنایاسا محکمه‌سینین قرارینین یئترلی اولاجاغینی، رفراندومونا گرک اولمادیغینی ایفاده ائتدی.
روسیا لیبرال دموکرات پارتسی باشقانی لونید سلوتسکی، ۱۹۹۶-جی ایلده قوه‌یه گیرمیش اعدام جزاسی ائرته‌له‌تیمیندن/موراتوریوموندان وازگئچیلمه‌سی لازیم اولدوغونو دیله گتیردی. سلوتسکی، 'بو اینسان آرتیقلاری، آلچاقلارا، اؤلوم جزاسیندان باشقا بیر جزا تطبیق اولونمامالی' دئدی.
کرملین سؤزچوسو دمیتری پئسکوو، داها اؤنجه اعدام جزاسینا باغلی موراتوریومون قالدیریلماسینین روس یؤنه‌تیمینین گوند‌مینده اولمادیغینی سؤیله‌میشدی.
باشکند موسکواداکی بیر کونسرت سالونوندا جمعه آخشامی تشکیل ائدیله‌ن ترور سالدیریسیندا ۱۳۹ نفر حیاتینی ایتیرمیش، ۱۰۰دن چوخ اینسان یارالانمیشدی.
دؤولت باشقانی ولادیمیر پوتین، سالدیرینی تشکیل ائد‌ن ۴ تروریستین ده ایچینده اولدوغو ۱۱ نفرین توتولدوغونو بیلدیرمیشدی.
ایلگیلی‌لی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیق‌لاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیق‌لاری باشلاییب.
