ایسراییلین غزه-یه هوجوم‌لاری داوام ائدیر
ایسراییلین شفا خسته‌خاناسی اطرافیندا و غزه زولاغیندا موختلیف اراضی‌لره تشکیل ائتدیگی هوجوم‌لاردا آرا‌لاریندا اوشاق و قادین‌لارین دا اولدوغو اونلارلا فیلیسطین‌لی اؤلوب و یارالانیب.
ایسراییلین شفا خسته‌خاناسی اطرافیندا و غزه زولاغیندا موختلیف اراضی‌لره تشکیل ائتدیگی هوجوم‌لاردا آرا‌لاریندا اوشاق و قادین‌لارین دا اولدوغو اونلارلا فیلیسطین‌لی اؤلوب و یارالانیب.
فیلیسطین-ین رسمی خبر آژآنسی وفانین یئرلی منبع‌لره اساس‌لانان خبرینه گؤره، ایسراییل گئجه ساعات‌لاریندا غزه زولاغی‌نین موختلیف حیسه‌لرینی، خصوصیله شفا خسته‌خاناسی و دیرالبلخ، کویت قووشاغی، رفح شهری و خان یونیس شهری‌نین دوغو بؤلگه‌لرینی هدفه آلیب.
ایسراییلین غزه-نین باتی سیندا شفا خسته‌خاناسی اطرافینی توپچو آتیشی و دؤیوش اوچاق لاری ایله حربی ماشین و تانک‌لاردان شدتلی آتیشه توتماسی نتیجه‌سینده اونلارلا فیلیسطین‌لی حیاتینی ایتیریب و یارالانیب.
ایسراییل قوه‌لری سس گوجلندیریجی واسیطه‌سیله فیلیسطین‌لیلردن شفا خسته‌خاناسینی درحال بوشالتماغی طلب ائدیب.
ایسراییل ساواش اوچاق لارینین غزه زولاغی‌نین دیرالبلخ شهرینده بیر ائوه هاوا هوجومو حیاتا کئچیرمه‌سی نتیجه‌سینده ایسه 18 نفر حیاتینی ایتیریب.
دیرالبلخ-نین الحیکیر بؤلگه‌سینده باش وئرن هوجومدا دا چوخ سایدا اینسان یارالانیب.
ایسراییل قوه‌لری کویت قووشاغیندا اینسانی یاردیم پایلایان کومیته‌لری ده هدفه آلیب.
ایسراییل دؤیوش اوچاق لارینین رفح شهری‌نین مرکزینده‌کی یبنا قاچقین دوشرگه‌سینده‌کی بیر ائوی هدف آلماسی نتیجه‌سینده چوخ‌لو سایدا اینسان اؤلوب و یارالانیب.
کویت خسته‌خاناسی‌نین ساغلیق رسمی‌لری ایسراییلین دوشرگه‌ده‌کی ائولری بومبالاماسی نتیجه‌سینده اؤلن و یارا‌لانان‌لارین خسته‌خانایا آپاریلدیغینی آچیقلاییب.
ایسراییلین دیرالبلخی بومبالاماسی نتیجه‌سینده اؤلن‌لرین سایی 10-ا یوکسلدیکده، چوخ سایدا اینسانین داغینتی‌لار آلتیندا قالدیغی بیلدیریلیب.
ایلگیلی‌لی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیق‌لاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیق‌لاری باشلاییب.
