اوکراینا: روسیا کیئوه بالیستیک راکتلرله هوجوم ائتدی
روسیا بو گون سحر ساعاتلاریندا اوکراینانین پایتاختی کیئوه بالیستیک راکتلرله هوجوم ائدیب.
روسیا بو گون سحر ساعاتلاریندا اوکراینانین پایتاختی کیئوه بالیستیک راکتلرله هوجوم ائدیب.
کیئو شهری حربی ایداره باشقانی سرگئی پوپکو ایدارهنین سوسیال مئدیا حسابیندا وئردیگی آچیقلامادا روسیا اوردوسونون سون 5 گونده اوچونجو دفعه کیئوه راکت هوجومو حیاتا کئچیردیگینی بیلدیریب.
پوپکو "دوشمن ساعات 10.30 رادهلرینده ایشغال ائتدیگی قیریم اراضیسیندن 2 بالیستیک راکت آتیب. هر ایکی راکت هاوا هوجوموندان ساوونما سیستملریمیز طرفیندن محو ائدیلیب" دئییب.
راکت حیسهلرینین دوشدوگو پچرسک، سولومن، دنیپرو منطقه لرینده بعضی بینالارین خسارت آلدیغینی قئید ائدن پوپکو آرالاریندا بیری اوشاق اولماقلا 4 نفرین یارالاندیغینی بیلدیریب.
اوکراینا حربی هاوا قوهلری قوموتانلیغیندان وئریلن آچیقلامادا روسیانین 9 عدد "شاهد" اینسانسیز هاوا آراجی (ایها) ایله هوجوم تشکیل ائتدیگی بیلدیریلیب.
آچیقلامادا اوکراینا هاوا هوجوموندان ساوونما قوهلری طرفیندن میکولاییو و اودسا ویلایتلری اوزرینده 8 ایها-نین وورولدوغو قئید ائدیلیب.
دیگر طرفدن اوکراینانین گونئی ساوونما قوهلریندن وئریلن آچیقلامادا روسیانین میکولاییو و اودسا بؤلگهلرینه راکت و ایها هوجوملاری تشکیل ائتدیگی بیلدیریلیب.
آچیقلامادا، روسیا اوردوسونون آتیش آچدیغی وورغولاناراق دئییلیب:
"روسیا اوردوسو "شاهد" اینسانسیز هاوا آراج لاری ایله بیر نئچه دالغادا اوکراینایا هوجوم ائدیب. اودسا و میکولاییو بؤلگهلرینده 4 اینسانسیز هاوا آراجی وورولوب. هوجومدا هدفه بیر ایها چاتیب.
دوشمن میکولاییو ویلایتینده انرژی تاسیسینی ووروب، تاسیس-دهکی یانغین یانغینسؤندورنلر طرفیندن تئز بیر زاماندا سؤندورولوب. حادثه نتیجهسینده خسارت آلان اولماییب".
آچیقلامادا او دا قئید اولونوب کی، میکولاییو-ده وورولان اینسانسیز هاوا آراجی پارچالارینین دوشمهسی نتیجهسینده بیر ائوه زیان دییب، حادثه یئرینده یانغین باشلاییب، پارتلاییش نتیجهسینده اطرافداکی ائولرین شوشهلری سینیب. ایلکین معلوماتا گؤره 11 نفر یارالانیب.
اینسانسیز هاوا آراج لارینین قالیقلارینین اودسا ویلایتینده انرژی تاسیسینه زیان ووردوغو، حادثه یئرینده باش وئرن یانغینین بولگه مرکزینین بیر حیسهسینده و اطراف یاشاییش منطقهلرینده الکتریک انرژیسینین کسیلمهسینه سبب اولدوغو بیلدیریلیب.