هلاک اولان فیلیسطین‌لیلرین سایی 32226 نفره چاتیب

ایسراییلین 2023-جو ایلین 7 اوکتبریندان بری هوجوم‌لارینی داوام ائتدیردیگی غزه زولاغیندا اؤلن‌لرین سایی 32.226، یارا‌لی‌لار ایسه 74.518-ا یوکسلیب.

ایسراییل قوه‌لرینین غزه زولاغینا هوجوم‌لاری 170-جی گون‌دور کی، داوام ائدیر.

فیلیسطین ساغلیق ناظیرلیگیندن وئریلن آچیقلامادا ایسراییلین سون 24 ساعات عرضینده 8 هوجوم تؤرتدیگی، 84 فیلیسطین‌لی‌نین حیاتینی ایتیردیگی، 106 نفرینسه یارالاندیغی بیلدیریلیب.

ایسراییل قوه‌لری بوتون گئجه دیر البلاحه هوجوم ائدیب. الطار عائله‌سینه مخصوص ائوه هوجوم نتیجه‌سینده 11 فیلیسطین‌لی اؤلوب، چوخ سایدا سیویل وطنداش یارالانیب. یارا‌لی‌لار القصی شهیدلری خسته‌خاناسینا آپاریلیب.

فیلیسطین رسمی‌لری داغینتی‌لار آلتیندا یئنه سیویل شخص‌لرین قالدیغینی بیلدیریب.