کاسپاروو تروریست لیستینه آلیندی
کاسپاروو، ۲۰ می ۲۰۲۲ده روسیادا "خاریجی جاسوس" لیستینه آلینمیشدی
روسیا، اسکی دونیا شطرنج شامپیونو گری کاسپارووو تروریست و آشیریلیقچیلار لیستینه داخیل ائتدی.
روسیا فدراسیونو مالی ایزلهمه سرویسینین (روسفینمونیتورینگ) اینترنت صحیفهسینده اولان تروریست و آشیریلیقچیلار لیستینه، کاسپارووون آدی دا علاوه اولوندو.
آتاسی یهودی، آناسی ارمنی اولان روس وطنداشی کاسپاروو، ۱۹۸۵-۲۰۰۰ ایللرینده شاهماتدا دونیا شامپیونو اولدو. ۲۰۰۵.جی ایلده شاهمات دونیاسینا وداع ائدن کاسپاروو، روسیا دؤولت باشقانی ولادیمیر پوتینین قارشیسیندا یئر آلان سیاسی مخالیف حرکتلرین ایچریسینده اولدو.
بیر مدت سونرا یورددیشیندا یاشاماغا باشلایان کاسپاروو، ۲۰۱۴ده کروواسی وطنداشلیغی آلدی.
۲۰۲۲ده روسیا-اوکراینا ساواشینین باشلاماسییلا دؤولت باشقانی پوتینی تنقید ائدن کاسپاروو، "اوکراینانین روسیایا قارشی عسگری اولاراق دستکلنیلمهسی و روس اقتصادینین چؤکدورولمهسی" چاغریسی وئرمیشدی.
کاسپاروو، ۲۰ می ۲۰۲۲ده روسیادا "خاریجی جاسوس" لیستینه آلینمیشدی.
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.