لبناندان ایسرائیله راکت هوجومو اولوب

لبناندان ایسرائیله راکت هوجومو نتیجه‌سینده 1 نفر اؤلوب، 7 نفر یارالانیب.

ایسرائیلین دؤولت تلویزیونو کان-ین خبرینده لبنان اراضیسیندن ایسرائیلین مارگلیوت یاشاییش منطقه‌سینه آنتی تانک راکتله هوجوم ائدیلدیگی بیلدیریلیب.

هوجوم نتیجه‌سینده 1 نفرین اؤلدویو، 7 نفرین یارالاندیغی بیلدیریلیب.

ایسرایلین فؤوق‌العاده یاردیم خیدمتی داوودون قیزیل اولدوزوندان وئریلن آچیقلامادا راکت هوجومو نتیجه‌سینده 2 تایلندلی ایشچینین یارالاندیغی بیلدیریلیب.

دیگر طرفدن لبنانین رسمی آژانسی NNA-دا یئر آلان خبره گؤره، ایسرائیل اوردوسو لبنانین گونئیینده‌کی مرقبه و هولا قصبه‌لرینین اطرافینی آغیر توپچو آتشی و فوسفور بومبالاری ایله ووروب.

8 اوکتبردان لبنانین گونئیینده ایسرائیل اوردوسو ایله حزب‌الله حرکاتی آراسیندا باش وئرن قارشیدورمالاردا 229 حزب‌الله عضوو، 45 لبنانلی مولکی وطنداش، 11 امل حرکاتی، 12 هماس و 12 اسلامی جهاد عضوو، آیریجا 6 ایسرائیل وطنداشی و 11 ایسرائیل عسگری هلاک اولوب.